AYUB 23:13 - KITTA' MATANGKASA'

¹³ Anjo Allata'ala tena pamminraNa; tena akkulle angngewai. Nagaukangi apa Nakaerokia.

AYUB 23:13 Referans Kwoze

PAMMUJI 115:3

Allata'alata niaki ri suruga, Nagaukangi apa Nakaerokia.

PANGNGEBARANG 19:21

Rupataua jai rancanana, mingka kaputusanNa bawang Batara a'jari.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

AYUB 12:14

Apa le'baka Narumbang takkulleai nibangung poleang inai Natahang takkulleai bebasa' ammotere'.

KATO'BA 3:14

Kuassengi angkanaya sikontu bate pare'Na Allata'ala, latuli nia'na satunggu-tungguna. Takkulleai rupataua antambai yareka angkurangngi. Siagang nakamma anjo gau'Na Allata'ala, sollanta malla' mae ri Ia.

PAMMUJI 135:6

Nagaukangi apa Nakaerokia, ri langi' siagang ri butta, ri tamparang siagang ri tamparang lompo sannaka lantanna.

KATO'BA 1:15

Apa a'jekkoa takkulleai nilambusi, na apa tenaya takkulleai nirekeng.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

ROMA 9:19

Jari, lanukana kapang ri nakke, “Punna kamma, apa saba'na Naero' ija Allata'ala ampasalai rupataua? Sai manna inai takkulleaji natahang ero'Na Allata'ala?”

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

AYUB 11:10

Punna Najakkalakko siagang Naerangko mange ri pangadelanNa, inai maka labarani anrompai eroka Nagaukang?

AYUB 10:7

Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.

AYUB 10:13

Mingka anne kamma kuassemmi angkana siapa sallona tamakkana-kanaKi' anrancangi kacilakangku.

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

AYUB 23:14

LaNapajappai rancanaNa mae ri nakke, na jai iji rancanaNa pantaranganna anjo.

YESAYA 46:11

AkkioKa' sitau tukoasa battu raya, battu rapang sikayu jangang-jangang sekke' untu' anggaukangi kaputusangKu. Apa Kupaua mattantu laKugaukangi, apa Kurancanakanga mattantu laKurupai.