AYUB 22:26 - KITTA' MATANGKASA'

²⁶ Jari akkulle mako tuli tappa' mae ri Allata'ala, na nuasseng angkana Iami kabattuanna mate'nenu.

AYUB 22:26 Referans Kwoze

YESAYA 58:14

Na nularannu lanri nugaukanna ibadanu mae ri Nakke. LaKupa'jari tunipakalompoko ri sikontu linoa. Lasannangi tallasa'nu lanri wassele' tana pisaka battu ri Yakub, boenu. INakke, Batara anne le'ba' a'bicara.”

PAMMUJI 37:4

Boyai mate'nea ri Batara, Iami lampassukkukko ri nakaerokia pa'mai'nu.

AYUB 27:10

Mustina nakkuki ri kassannangang battua ri Allata'ala, siagang tena mangnganna appala' doang mae ri Ia.

AYUB 11:15

Nanukkulle andallekangi tallasaka siagang sa'bara' na barani; lammenteng kassakko siagang tena nuparallu lussa',

ROMA 7:22

Atingku lalang nangai apa-apa Napassuroanga Allata'ala,

PAMMUJI 86:4

O, Batara, Kipakarannui pa'mai'na atanTa, saba' mae ri Katte tattuju atingku.

KELONG MALA'BIRI' 2:3

Rapang poko' appele' ri tangngana poko' kayu romang, kammami anjo tanringku ri alla'na tu bura'nea. Sannang nyawaku a'la'lang rawanganna, rappo-rapponna te'nei kasia'na.

PAMMUJI 143:8

Punna bari'basa', Kipiu'rangianga' pangngamaseanTa, saba' ri Kattemi panrannuangku. Kipicinikianga' oloang mustia kuolo, saba' ri Kattema' appala' doang.

AYUB 34:9

Nakana, tena matu-matunna punna usaha taua anggaukangi ero'Na Allata'ala.

PAMMUJI 25:1

Pammujina Daud. Ri Katte, o, Batara, kupanai' pappala' doangku,

1 YOHANES 3:22

Siagang apa-apa mamo nipala' battu ri Ia, tena tanigappana, lanri mappilangngeriki' mae ri sikamma parentaNa, siagang nigaukangi apa Nangaia ri atinNa.

AYUB 11:17

Lasingarangngammi tallasa'nu na singara'na alloa, na wattu-wattu sassanga lalang tallasa'nu lasingara' kammami singara' bari'basaka.

AYUB 22:25

Boli'mi kamma na Kaminang Makoasaya a'jari bulaennu, siagang a'jari pera'nu sannaka lompona anggaranna.

AYUB 33:26

Punna appala' doangi, lanikamaseangi ri Allata'ala, na lamammujimo mae ri Allata'ala siagang rannu pa'mai' siagang lanipoterammi a'jari baji' tallasa'na ri Allata'ala.

PAMMUJI 119:6

Punna kuparhatikang sikontu parentaTa, tenamo kulanipakasiri'.