AYUB 22:25 - KITTA' MATANGKASA'

²⁵ Boli'mi kamma na Kaminang Makoasaya a'jari bulaennu, siagang a'jari pera'nu sannaka lompona anggaranna.

AYUB 22:25 Referans Kwoze

YESAYA 33:6

siagang assarei kaamangngang umma'Na. Pa'barang-barangngang ampasalamakai ke'nanga iamintu kacara'dekang siagang pangngassengang kammayatompa mappakalompo ri Batara.

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PAMMUJI 18:2

Mangngaia' ri Katte, o, Batara, iKattemi kagassingangku.

2 KORINTUS 6:10

Manna nanipakasi'na pa'maitta, mingka tuli rannujaki'. Kasi-asi maki' nicini', mingka jaimi tau nipa'jari kalumanynyang. Tena nicini' apa-apanta, mingka sikontutojenna nia' ngasemmi ri katte sikontu apa-apaya.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

AYUB 22:24

Pela'mi bulaennu kaminang ti'noka; pasambilai antama' ri binanga tenayamo je'ne'na.

AYUB 22:26

Jari akkulle mako tuli tappa' mae ri Allata'ala, na nuasseng angkana Iami kabattuanna mate'nenu.

AYUB 3:15

Attinroa' sangkamma ana' bura'ne karaeng, amboneai balla'na siagang pera' na bulaeng.

PIRAUNG 3:24

Batara bawang, tena ruanna rapang barang-barang kupatanga. Lanri kammanami anjo, kumanrannuang mae ri Ia.