AYUB 22:12 - KITTA' MATANGKASA'

¹² Sai langi' tinggia pammantanganNa Allata'ala, na accini' naung, ri sikamma bintoeng tinggi dudua?

AYUB 22:12 Referans Kwoze

KATO'BA 5:2

Pila' ranggaselai taua, pila' akkullei anggappa so'na kodi. Pila' jai bicara, pila' akkullei taua appasulu' kana-kana tolo.

AYUB 11:8

KoasaNa la'bi tinggi na langika; takkulleai nurapi' siagang nukayao. KoasaNa la'bi lantangi na linona tau matea, takkulleai nupahang ngaseng.

YESAYA 66:1

Nakana Batara, “Langika empoang kala'birangKu, na buttaya pattuppuang bangkengKu. Jari balla' antekammaya ero' nubangungangA' siagang tampa' apaya lanupa'jariangA' pammantangangKu?

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

PAMMUJI 115:16

Langika iamintu Bataraji bawang pata, mingka buttaya Napassareangi mae ri rupataua.

PAMMUJI 115:3

Allata'alata niaki ri suruga, Nagaukangi apa Nakaerokia.

AYUB 11:7

Masakang akkullei nuselangngi bone mailalanNa Allata'ala? Masakang akkulleko ampahangi koasaNa?

AYUB 35:5

Ciniki langika siagang parhatikangi antekamma tinggina rammanga.

KATO'BA 5:1

Appikkirikko rolong nunampa a'bicara, siagang teako linta' dudu a'janji mae ri Allata'ala. Ia niaki ri suruga nampa ikau niakko ri buttaya. Jari tutuko ri kana-kanannu.