AYUB 20:6 - KITTA' MATANGKASA'

⁶ Manna pole narapi' langika kalompoanna, sa'genna nabuttu' ulunna rammanga,

AYUB 20:6 Referans Kwoze

PA'JARIANG 11:4

Nakanamo ke'nanga, “Umba kimbangung kota siagang se're menara ta'rapika coppo'na sa'genna ri langi', sollanna ki'jari masahoro' siagang tena kisisa'la'-sa'la ri sikontu linoa.”

MATIUS 11:23

Kammayatompa ikau tau niaka ri Kapernaum! Gassingka nukana lanipakatinggiko nai' ri suruga? Tena! Passangalinna lanipelakko antama' ri naraka! Nasaba' ka'de' anjorengi ri kota Sodom le'ba' nigaukang anjo gau'-gau' appakalannasaka, mattantu nia' iji kota Sodom sa'genna kamma-kamma anne!

AMOS 9:2

Manna pole annarrusu' ke'nanga antama ri linona tau matea laKukayao tonji ke'nanga. Manna pole nanai' ke'nanga ri langi', laKupanaungi ke'nanga battu rate.

DANIEL 4:22

O karaengku, karaengkumi nataba pangngebarranna anjo poko' kayu tinggia siagang kassaka. Katambangi kalompoanna karaengku sa'genna narapi' rapang coppo'na langika, siagang kakoasanta a'la'baki sa'genna cappa'na buttaya.

DANIEL 4:11

Anjo poko' kayua sanna' tinggina; batanna lompoi na kassa'. Coppo'na sa'gennai langika, sa'genna akkullei nicini' ri sikontu niaka ri buttaya.

YEREMIA 51:53

Manna pole nakkulle Babel nai' ri langika siagang ambangung pattahangngang takkullea nirapi', mingka tuli laKupabattuna taua untu' ampanraki. INakke, Batara, anne akkana.”