AYUB 20:28 - KITTA' MATANGKASA'

²⁸ Sikontu kakalumanynyangnganna lacappuki, lanri allumpana larroNa Allata'ala.

AYUB 20:28 Referans Kwoze

PAPPICINI' 18:17

Mingka sijangji bawang sallona, nalanynya' ngasemmo sikontu kakalumanynyanganna!” Sikamma juraganga, padongko' kappalaka, siagang ana'-ana' kappalaka, kammayatompa sikontu a'boya-boyaya ri tamparanga, ammenteng battu bella ngasemmi.

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

PANGNGEBARANG 11:4

Punna nadallekang kamateanga, tenamo matu-matunna barang-baranna; lasalamaki tallasa'nu punna te'ne pa'maikko.

AYUB 21:30

Nakana ke'nanga, ‘Ri allo appabattuNa hukkungang Allata'ala, lanipasalamaki sikamma tau ja'dalaka.’

AYUB 20:10

Apa nalukkaka riolo battu ri tau tenaya apa-apanna, musti nisambei ri ana'-ana'na.

AYUB 5:5

Apa nakattoa ke'nanga ri kokonna, la'busuki nikanre ri tau tenaya bone batanna. Ba'lalo gandung niaka ri tangnga rompo' la'busu' ngaseng napattasa' tau cipuru'. Apa napatanga siagang kakalumanynyangnganna ke'nanga, tuli niodo'mi ri tau angngoaya ri barang-barang.

2 KARAENG-KARAENG 20:17

nia' sallang se're wattu nanilaling mange ri Babel sikontu kakalumanynyangngang niaka lalang ri balla' kakaraengannu siagang sikontu apa-apa napassareanga boe-boenu sa'genna anne alloa. Tena lammantang tassesa.

PAOLE 28:31

Lanisamballei sapinu ri dallekanna matannu, mingka tena nanukanrei dagenna. Laniembai a'lampa keledai-keledainu, nampa ammantang jako anciniki, siagang tena nalanipoterang. Lanipassareangi gimbala'-gimbala'nu mae ri musu-musunnu, nampa tena tau antulungko.

AYUB 20:15

Barang-barang nilukka' naa'luka, tarpassa nalangngeangi; Napasuluki Allata'ala battu lalang ri battanna.

AYUB 31:12

Anjo dosaya ammanraki kamma pepe', sikontu apa kupatanga la'busu' ngaseng nakanre.