AYUB 20:27 - KITTA' MATANGKASA'

²⁷ Nisungkei ri langi' kaja'dallanna; ambangungi buttaya ambaliangi.

AYUB 20:27 Referans Kwoze

YESAYA 26:21

Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

AYUB 16:18

He buttaya, teako cokkoi ri nakke kaja'dallanga; teako pammakkangngi pakkiokku appala' kaadelang.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

ROMA 2:16

Kammaminjo lakajarianga sallang ri allo le'bakamo nipattantu. Ri anjo alloa – situru' Kabara' Baji' kubirittakanga – laNaadeli Allata'ala lalang Isa Almasi rahasia atinna siagang rahasia pikkiranna sikontu rupataua.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

YEREMIA 29:23

Kammami anjo sarenna ke'nanga, lanri le'ba'na nagaukang dosa-dosa lompoa ri Israel, iamintu: a'gau' bawangi ke'nanga, siagang napakei arenNa Batara untu' ancaritai apa-apa tenaya natojeng. Anjo kammaya sisalai siagang ero'Na Batara. Naassengi apa nagaukanga ke'nanga, siagang ia KalenNa a'jari sa'bi angngewai ke'nanga. Kammami anjo le'baka Nakana Batara.”

AYUB 18:18

Battu ri singaraka nibongkai antama' ri sassang; nibongkai battu ri lino katallassang.

PAOLE 31:28

Kamma-kamma anne, suroi sikontu pamimpinna bansaya siagang komandanna tantaraya asse're ri dallekangku, sollanna akkulle kupabattu anne sikamma passalaka mae ri ke'nanga. Kukioki langika siagang buttaya salaku sa'bi mae ri ke'nanga.