AYUB 20:26 - KITTA' MATANGKASA'

²⁶ Ancuru'mi sikontu barang boli'-boli'na: ia siagang sikontu kaluargana nikanre ri pepe' taniparinraya ri rupatau.

AYUB 20:26 Referans Kwoze

PAMMUJI 21:9

LaNajakkala' ngasengi sikontu musunna, laNaallei sikamma tu mangngabirissia ri KalenNa.

PAMMUJI 120:4

Iamintu ana' pana cidu'na sitaua tubarani, siagang bara pepe' a'rinra-rinraya!

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

MATIUS 8:12

Padahala' tau siratanga a'jari umma'Na Allata'ala nipelaki assulukang ri sassanga. Anjoremmi ke'nanga langngarru' siagang langkasiaki sessaya.”

MATIUS 3:12

Nia'mi pa'dinginga lalang limanNa, eroka Napake antapi sikontu berasaka sa'genna tangkasa'. Sikontu berasaka laNaboliki lalang ri pammolikanna, mingka sikamma awanga laNatunui lalang ri pepe' tenaya nalammari rinrana.”

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

AYUB 5:14

Ri wattu singara'na alloa nitujui ke'nanga ri sassang, angngosala' sangkamma ri wattu bangngi.

AYUB 15:30

Tena nalakkulle ta'lappasa' battu ri sassang makkapuka; pepeka lampa'jari ammutungi cu'la'-cu'la'na. Lacappuki nitui' ri bawaNa Allata'ala.