AYUB 20:18 - KITTA' MATANGKASA'

¹⁸ Sikontu passawalanna musti napoterangi; talanakasiakkai wassele' usahana.

AYUB 20:18 Referans Kwoze

YEREMIA 51:44

Bel, iamintu rewatana pa'rasangang Babel Kuhukkungi. LaKusuroi ampoterangi sikamma apa-apa le'baka narampasa'. Bansa-bansaya tenamo nalanynyomba mae ri ia. Runtummi tembo'-tembo'na Babel.

YEREMIA 22:13

Cilakai tau ambangungai balla'na siagang tena naadele', kammayatompa ampa'la'bangi kajekkonganna. Cilakai tau assuroa anjama nampa tena nasarei gajina taua.

PANGNGEBARANG 1:12

Kamma-kamma anne sannangi nyawana siagang sehaki tubuna ke'nanga, mingka sallang la'jari sangkammai tau sitangnga mate ke'nanga.

AYUB 20:15

Barang-barang nilukka' naa'luka, tarpassa nalangngeangi; Napasuluki Allata'ala battu lalang ri battanna.

AYUB 20:10

Apa nalukkaka riolo battu ri tau tenaya apa-apanna, musti nisambei ri ana'-ana'na.

MATIUS 23:24

Ma'nassa pamimping buta ngasengko! Nubongkai katingalo lalanga ri je'ne' inunnu, na unta sikayu nua'lu'!

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [

YEREMIA 51:34

Yerusalem niancuruki siagang nikanrei sa'genna la'busu' ri karaeng Babel; nakosongi anjo kotaya rapang botolo' nakosongi. Rapang sikayu olo'-olo' sannaka lompona angnga'luki Yerusalem siagang napantama ri battanna sikontu apa bajika battu ri anjo kotaya, nampa napela' la'binna.

YEREMIA 22:17

Mingka ikau, Yoyakim, maraengi. Ikau kaparalluang kalennu bawang nuboya. Nubunoi tau tenaya salana, siagang nujallakkangi ra'yaka nukapallakki.

AYUB 31:29

Tale'baka' rannu lanri pa'risi'na musungku, yareka lompo pa'maikku lanri anggappana bala.

AYUB 31:25

yareka kupattampoang kakalumanynyangangku.

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

AMOS 8:4

Pilangngeri, he ikau ngaseng anjallakkangai tu kasi-asia ri anne pa'rasanganga sa'genna panra' ke'nanga!

HOSEA 9:1

He bansa Israel, tea' mako pakalompoi pole allo-allo lomponu sangkamma bansa-bansa maraenga. Nubokoimi Allata'alanu siagang tenamo namajarre' pa'mai'nu mae ri Ia. Ri tampa'-tampa' panggilingang gandunga nubalukangi kalennu a'jari rapang pasundala' mae ri Rewata Baal, siagang sannangi nyawanu antarimai gandung nukanaya sawala' nugappa battu ri anjo rewataya!

YEHEZKIEL 7:12

Tasalloami nanarapi' wattunna, a'reppese'mi allonna! Tau ammallia siagang tau a'baluka tanggappayami passawallang apa-apa, lanri sikontuna taua lanituju ngasengi ri hukkunganNa Allata'ala.

PIRAUNG 2:16

Sikontu musunnu birisi' kabusu' ancinikiko, nabebeiko siagang nakakkaliko ke'nanga. Nakana ke'nanga, “Anjo kotaya le'ba'mi niputta ri kambe! Kale'bakkanna narapi'mi anjo wattu salloamo nitayang!”

AYUB 27:17

mingka yangasenna anjo peraka siagang pakeanga la'jari napatangi tau lambusu' pa'maika.

AYUB 31:8

lampassammi taua angkanrei apa kulamunga, siagang ancuru' ngaseng sikontu wassele' lamung-lamungku.

PANGNGEBARANG 21:20

Tau cara'deka tuli kala'biangi siagang kalumanynyangi mingka tau toloa napa'laboangi barang-baranna.

PAOLE 28:30

Punna tena numannuruki ri Karaeng Allata'alanu, anne kammaya lantujuko: La'bayuangko, mingka tau maraeng lambuntingi bayuannu. Lambangungko balla', mingka tena nanupammantangngi. Lanulamungi koko anggoro'nu, mingka tanukanreai rapponna.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.