AYUB 20:17 - KITTA' MATANGKASA'

¹⁷ Talanakasiakkami minynya' zaitun alla'bia, yareka dadi' siagang bani tattumpa-tumpaya napakamma jai.

AYUB 20:17 Referans Kwoze

LUKAS 16:24

A'gorami anjo tau kalumanynyanga angkioki Abraham nakana, ‘O, Pa' Abraham! Kikamaseang laloa'. Kisuro sai Lazarus ambasai karemenna antama' ri je'neka nampa naung mae ambassai lilaku. Teai sipato' sessana kusa'ring ammantang lalang ri anne pepeka!’

AYUB 29:6

Jai sikali dadi' wassele' olo'-olo' piaraku. Jai minynya' wassele'na poko'-poko' zaitunku, manna nanjoreng ri butta jaia batunna nilamung.

PAPPICINI' 22:1

Napicinikiang tomma' anjo malaekaka binanga assarea katallassang je'ne'na. Anjo binangaya accillaki je'ne'na sanrapang kaca a'lo'loroka battu ri empoang kala'biranNa Allata'ala siagang battu ri anjo Ana' Gimbalaka,

YESAYA 41:17

Punna a'boya je'ne' anjo bansaKu cilakaya, nakalotoro' karro'-karro'na lanri turere, iNakke, Batara, lampiali pappala' doanna ke'nanga; Allata'alana Israel talanabokoiyai umma'Na.

YESAYA 7:22

anjo dadi'na olo'-olo' piaraya la'bi ri gannaka untu' ri tau niaka tassesa ammantang ri anjo pa'rasanganga. Tojeng, langnginungi ke'nanga dadi' siagang bani.

YESAYA 7:15

Ri wattunna lompo-lompomo, siagang akkullemi angngalle kaputusang kalenna, lakala'biangi anjo pa'rasanganga.

PAMMUJI 81:16

Tau birisika ri ke'nanga laKupatunduki, lanihukkungi ke'nanga satunggu-tungguna.

2 KARAENG-KARAENG 7:2

Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

2 SAMUEL 17:29

Angngerangi ke'nanga mangko', pamaja', siagang kasoro' untu' Daud siagang ana' buana, kammayatompa gandung, jelai, labu', gandung nisanggara', campe' eja, campe' eja lompoa, je'ne' bani, keju, dadi' siagang pirang kayuang gimbala'. Naassengi ke'nanga angkanaya cipuruki Daud siagang ana' buana, turerei siagang mangngangi lanri pa'jappang ri parang lompoa.

PAMMILANGNGANG 14:23

Tena! Tena nalantama' ke'nanga ri anjo pa'rasanganga. Sikamma anjo tau angngewaya mae ri Nakke, tena manna sitau langngonjoki anjo pa'rasanganga.

PA'JARIANG 18:8

Le'baki anjo angngallemi Abraham dadi', cappa' susu sapi siagang anjo dageng le'baka nipallu, nampa napatala mae ri anjo toananna ngaseng. Lalang angnganrena ke'nanga, kalenna Abraham allayani ke'nanga irawanganna anjo poko' kayua.

YESAYA 36:17

sa'gennu kupalette' mange ri pa'rasangang eroka sangkamma pa'rasangang kalennu. Anjoreng nia' koko anggoro' jaia wassele'na untu' ikau, siagang koko gandung assarea wassele' labu' untu' a'jari kanrenu.