AYUB 20:14 - KITTA' MATANGKASA'

¹⁴ Mingka anjo kanrea tappinrai lalang ri battang, a'jari racung pai' angngerang kamateang.

AYUB 20:14 Referans Kwoze

ROMA 3:13

Sangkamma mami jera' tassungke karro'-karro'na ke'nanga. Sangnging balle-balle mami napau lilana, siagang sangnging pitina mami ri bawana, sanrapang lila ulara' niaka racunna.

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

AYUB 20:16

Tau ja'dalaka langnginungi racung paerang bala, lamatei lanrinna, sanrapang tunikokko' ri ulara' a'racung.

PAOLE 32:24

Lamatei ke'nanga lanri rammusu' na kacipurang, nialle ri kamateang lanri garring appakamalla'. Battui a'bakka olo'-olo' sekkeka, ulara' a'racunga ampakkunrarengi ke'nanga.

AYUB 20:15

Barang-barang nilukka' naa'luka, tarpassa nalangngeangi; Napasuluki Allata'ala battu lalang ri battanna.

AYUB 20:23

Ri wattu sibu'na ambonei battanna, sanna'mi larroNa Allata'ala nampa nihukkung.

PANGNGEBARANG 20:17

Barang-barang wassele' nitipua, uru-uruna bajiki kasia'na, mingka kale'bakkanna sanrapangi batu-batu kasia'na.