AYUB 19:8 - KITTA' MATANGKASA'

⁸ Natongkoki Allata'ala oloangku, takkullea' allalo, lorong-lorong kuoloa Napa'jari sassang pakka'.

AYUB 19:8 Referans Kwoze

AYUB 3:23

Allo ri dallekanna ke'nanga nikalimbuki ri Allata'ala, nitammulili ke'nanga ri Ia battu ri kere-keremae.

PIRAUNG 3:7

Nijarrekia' nisikko', sa'genna tenamo oloangku lassulu'.

PIRAUNG 3:9

Narompai kabusuki oloangku siagang tembo'-tembo' batu natannanga.

PAMMUJI 88:8

Battalaka' nijallakkang ri pangngalarroinTa, ancurukka' nijallakkang ri larroTa.

HOSEA 2:6

Lanri kammana anjo laKukurungi lalang ri rompo' akkatintinga, siagang laKujempangi oloanna siagang kalli' tembo'.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

YEREMIA 23:12

Lanri kammana anjo, oloanna ke'nanga la'jari laccuki siagang sassangi, sa'genna tatto'ro ke'nanga na tu'guru'. LappabattuA' kacilakang mae ri ke'nanga, punna narapi' wattunna untu' Kuhukkung ke'nanga. INakke, Batara, anne akkana.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YESAYA 50:10

He ikau ngaseng ampakalompoai Batara, siagang ampilangngeriai kananna atanNa, nakulle sassangi agang nuoloa, siagang tena caya ansingariko; mingka tappa' laloko mae ri Batara; tanjengko mae ri Allata'alanu.

AYUB 30:26

Kuminasai mate'nea siagang singaraka, mingka kasukkarrang siagang kasassangang battu.

YOSUA 24:7

akkio'mi ke'nanga appala' tulung mae ri Nakke. Jari Kupa'jari sassammi tampa' ansimbangai ke'nanga siagang tu Mesir, siagang Kutambungi je'ne' tamparang anjo tu Mesirka sa'genna mate tallang ngaseng. Nuasseng ngasemmi sikontu apa Kugaukanga mae ri Mesir. Sallo sikaliko ammantang ri parang kassika.

PIRAUNG 3:5

Sangnging sessa mami na pa'risi' kukasia'.

YESAYA 59:9

Nakana anjo bansaya mae ri Allata'ala, “Kamma-kamma anne naassemmi ikambe angkana angngapa natena Kipasalamaki ikambe battu ri tau anjallakkangai ikambe. Attayangi singara' ikambe, mingka ia niaka sassanji bawang.

HOSEA 2:8

Amma'nu tenamo naania' angkanaya iNakke assarei gandung, anggoro', minynya' zaitun, siagang sikontu bulaeng na pera' niaka napake untu' anynyomba ri anjo Rewata Baal.