AYUB 19:7 - KITTA' MATANGKASA'

⁷ A'jalloka' lanri anjo kapallakkang kammaya, mingka tena manna sitau amparhatikanga'. Akkioka' angkana, ‘Kemae kaadelanga’, mingka tena tau allangngereki sa'rangku.

AYUB 19:7 Referans Kwoze

PIRAUNG 3:8

Ammarranga' appala' tulung, mingka taerokai Allata'ala ampilangngeria'.

AYUB 40:8

Maka eroki nusassali kaadelangKu, nupattojeng kalennu nampa iNakke nusalakang?

AYUB 34:5

Nakana Ayub, ‘Tena sala ri nakke, mingka tena Naero' Allata'ala assarea' kaadelang.

AYUB 30:20

Akkioka' ri Katte, o, Allata'ala, na tena Kipialia'; punna appala' doanga', tena Kiparhatikangi.

AYUB 21:27

Memang, kuassengi apa nupikkirika ngaseng siagang sikontu kaja'dallang nurancanga.

YEREMIA 20:8

Punna kua'bicara, musti ammarranga' sigassing-gassingku, angkana, “Kapallakkang! Bala!” O Batara, Nicau-caua' ri kere-kere wattu, lanri kupabattuna pasanTa.

PAMMUJI 22:2

Allata'alaku, o, Allata'alaku, angngapa naKibokoia'? Akkioka', mingka tuli bellaKi' na tena naKitulunga'.

AYUB 16:21

Oh, dasi-dasi na Allata'ala KalenNa ampattojenga' ri dallekanNa sanrapang tau rella ampattojengi sahaba'na.

AYUB 10:3

Apa Kisawala' punna Kijallakkanga' kamma anne, siagang Kipela' bate pa'jari kalenTa? Apa Kisawala' punna Kiiyoang panggappana siagang rancanana tau ja'dalaka?

AYUB 9:32

Ebara' angkana rupatau anjo Allata'ala, akkullei kupiali; nampa a'lampa ikambe mange andallekang ri pangadelang untu' ampa'le'baki sikamma pa'beserangku siagang Ia.

AYUB 9:24

Napassareangi Allata'ala buttaya mae ri tu dorakaya, siagang Napa'jari buta ngasemmi sikamma hakinga. Kammaminjo Nagaukang ngaseng Allata'ala, punna tena naIa, inai pole anggaukangi kammaya?

AYUB 30:24

Angngapa Kibakkai tau cilakaya, tamakkullea a'gau' apa-apa, pantaranganna appalaka pangngamaseang?

AYUB 30:28

Pitilampa-lampaima' lalang ri sassang, tenaya singara'; ammenteng ri dallekanna tau jaia appala' tulung.

PAMMUJI 22:3

O, Allata'alaku, akkioka' ri wattu allo, mingka tuli a'merekiKi'. Appala' doanga' ri wattu bangngi, mingka tena todong na sannang atingku.