AYUB 19:5 - KITTA' MATANGKASA'

⁵ Nukanaka la'bi bajikangngangko na inakke? Susaku nukana a'jari butti ri kasalangku.

AYUB 19:5 Referans Kwoze

PAMMUJI 55:12

Kemae-kemae nia' pangngancurang; panjallakkanga siagang pannipuanga a'la'bangi ri pasaraka.

PAMMUJI 38:16

Mingka manrannuanga' ri Katte, o, Batara, na iKatte, Batara Allata'alaku, Kipialia'.

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

YOHANES 9:34

Appialimi ke'nanga angkana, “Apa? Ikau tau dorakaya memang battu ri pakkaramula lassu'nu ero' angngajaraki ikambe?” Pakkaramula anjo wattua tenamo nanikellai anjo taua antama' ri balla' sambayanga.

YOHANES 9:2

Akkuta'nammi ana'-ana' gurunNa Isa angkana, “Angngapa nabuta nilassukang anne taua Pa' Guru? Apa lanri dosa kalenna yareka lanri dosana anrong-manggena?”

LUKAS 1:25

Nakanamo Elisabet, “Kale'bakkanna Natulumma' Batara siagang Natongkokamma' sirikku.”

ZAKHARIA 12:7

INakke, Batara, lauru-uru assarei pammetang tantara Yehuda, sollanna tena nalompoangngang kala'birang natarimaya jari-jarina Daud siagang pandudu' Yerusalem, nakala'birang natarimaya pandudu'na Yehuda maraenga.

ZEFANYA 2:10

Kammami anjo pandudu'na Moab siagang Amon lanihukkungi lanri katampoanna siagang kaborroanna ke'nanga, kammayatompa lanri le'ba'na nahina umma'Na Batara Kaminang Koasaya.

MIKHA 7:8

Tena alasang mae ri musu-musunta untu' rannu pa'mai'na lanri kaancuranta. Nasaba' manna pole kitu'guru', mingka lambangung poleangki'. Kamma-kamma anne niakki' lalang ri sassanga, mingka laNasingariki' Batara.

YESAYA 4:1

Anjo wattua, tattuju tau baine lanna'gala' ri sitau bura'ne nampa massing nakana, “Lappassamma' angngakuiko bura'nengku, sollanna tena kunggappa siri', lanri tenana tau bura'ne annikkaia'. Inakke tompa kalengku angngusaha a'boya kanre siagang pakeang.”

PAMMUJI 41:11

Kamaseang laloa', o, Batara, Kipammolle laloa' ri garringku, sollanna kukkulle ambalasaki kaja'dallanna sikamma balingku.

NEHEMIA 1:3

Nacaritami ke'nanga angkana sikamma anjo tau le'baka nipela' ammotere'mi mange ri anjo pa'rasanganga. Mingka kamma-kamma anne teai sipato' sessana katallassanna, siagang sangnging nihinai ri sikamma bansa maraeng niaka a'reppese'. Nampa pole sikamma tembo' kalli'na Yerusalem ancuru' iji tassimbung-simbung, kammayatompa sikamma pakke'bu' lompona tenapa nale'ba' nipakabaji' baku' le'ba'na nitunu ri wattu allaloa.

1 SAMUEL 1:6

Hana tuli nipa'risi nyawana siagang nihinai ri Penina anjo marunna, lanri tenana nisarei ana' ri Batara.

AYUB 19:4

Ebara' angkana sala panggaukangku, tena olona ikau ngaseng lanapakarugi.

PAMMUJI 55:13

Ebara' angkana nacalla' musungku, akkulle ija' attahang. Ebara' angkana nahina' balingku, akkulle ija' ampaccokkoangi.