AYUB 19:20 - KITTA' MATANGKASA'

²⁰ Kalengku bukkuleng mami anrokoki buku-bukungku; sike'de' mami kumate siagang allayang nyawaku.

AYUB 19:20 Referans Kwoze

PAMMUJI 102:5

Dodonga' sanrapang ruku' kalotoro', tena sikali pattujungku angnganre.

PIRAUNG 4:8

Mingka kamma-kamma anne tamakami le'lenna ke'nanga ammonrang ri tangnga-tangngana aganga na taenamo nanirupa ri taua. Toami bukkulenna anrokoki buku-bukunna, rapangi kayu kalotoro' dudua.

PIRAUNG 5:10

Sessai ikambe napakamma cipuru' sa'genna kamma a'barami bukkulenna ikambe rapang pappalluang.

PIRAUNG 3:4

A'bokka'-bokka' kalengku napakamma, na tepo' buku-bukungku.

PAMMUJI 102:3

TeaKi' allei rupanTa battu ri nakke punna niaka' lalang kasusaang. Kipilangngeria' punna akkioka', siagang Kipialia' linta'.

PAMMUJI 38:3

Annarrusuki ana' panaTa ambokkaki kalengku, battalaki kusa'ring limanTa anjallakkanga'.

AYUB 30:30

A'jari le'lemmi bukkulengku; rapang nitunumi kalengku ri rammusu'.

AYUB 7:5

Rassi kalengku gallang-gallang siagang rakki' cera'; a'bokka' bukkulengku appasulu' nana.

LUKAS 10:11

‘Manna limbu'bu' a'dakkika ri bangkenna ikambe, napabe'bese'mi kambe, a'jari pappakainga' ri kau ngaseng. Mingka assemmi angkanaya a'birimmi narapi' wattunna Nappakkaramulamo ammarenta Allata'ala salaku Karaeng ri tangnga-tangnganu!’

AYUB 16:8

Nabalianga' siagang Najakkalaka'. Anne kamma roso' dudumi kalengku, na nakana taua iaminjo butti ma'nassana angkana inakke dorakama'.

PAMMUJI 102:6

Akkunrareng lompoa'; bukkuleng mami anrokoki buku-bukungku.