AYUB 19:14 - KITTA' MATANGKASA'

¹⁴ Napakabella ngasengi kalenna bija-bijangku siagang bela-belaku; agang-agangku takkaluppa ngasemmi ri nakke.

AYUB 19:14 Referans Kwoze

PAMMUJI 38:11

A'dumba'-dumbaki barambangku, tenamo kagassingangku, tenamo nabaji' paccinikku.

YOHANES 13:18

Tena nanataba ngasengko anne apa Kupabattua. Kuassemmi angkanaya inai-nai le'ba' Kupilei. Mingka musti a'rupai apa niaka tattulisi' lalang ri Kittaka, iamintu, ‘Tau Kuaganga sipangnganreang, la'jari musui ri Nakke.’

MATIUS 10:21

Nia' sallang wattunna nakajariang nania' tau ampassareangi sari'battanna nasuro buno; yareka tau toa ampassareangi ana'na nasuro buno. Ana'-anaka lanaewai anrong manggena, siagang nasuro bunoi ke'nanga.

YEREMIA 20:10

A'bici'-biciki nilangngere' taua ri kere-keremae, angkana, “Battui mallaka a'la'bang! Umba nilaporoki mae ri pamarentaya!” Ba'lalo sikontu agang bajikku naminasai katu'gurangku. Nakana ke'nanga, “Gassingka lanri panynyonyoppa, nakkulle nibeta, sollanna nikkulle ambalasaki larro niboli'-bolitta ri ia.”

PANGNGEBARANG 18:24

Nia' sahaba' tamamminraya, nia' todong la'bi jarre' na sari'battanga.

2 SAMUEL 16:23

Anjo wattua sikamma kana pangngunju'na Ahitofel nipilangngeri kabusuki sangkamma angkanaya kana KalenNa Allata'ala; baji' Daud kammayatompa Absalom naturuki ngasengi kana pangngunju'na.

PA'JARIANG 40:23

Mingka anjo pangngurusu' inunganga nakaluppaimi Yusuf. Takkaluppa sikalimi ri Yusuf.

AYUB 19:15

Ata bainea nakaluppaima', karaenna ke'nanga; napasangkamma' tau tenaya naassengi ke'nanga.

AYUB 19:19

Punna nacinikka', sanna' malla'na bela bajikku; nibokoia' ri sikamma tu kukamaseanga.

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

AYUB 42:11

Sikontu daenna siagang sari'battang bainena Ayub, sikontu passiassengang sallona, battumi angkunjungi, nampa assua'-suara' siagang ia ri balla'na. Massing napaumi ke'nanga angkana turu' tongi susa ke'nanga lanri sikontu susa le'baka Napabattu Batara mae ri kalenna, nampa nasaleori Ayub. Massing assaremi ke'nanga ri Ayub siapa are jaina doe' siagang tasse'rena cincing bulaeng.

PAMMUJI 31:12

A'jarima' tu nitahang mae ri sikontu musungku, ba'lalo mae ri sikamma siampi' ballakku. Ta'bangka ngasemmi sikontu siassengku ancinikka', larimi ke'nanga punna nacinikka' ri aganga.