AYUB 18:7 - KITTA' MATANGKASA'

⁷ Ta'royommi dakka porena; rancana kalenna a'jari saba' natatto'ro.

AYUB 18:7 Referans Kwoze

PANGNGEBARANG 4:12

Punna kamma anjo tallasa'nu, tenamo nulanggappa salibanra ri wattu a'jappanu, siagang tenamo nulatatto'ro ri wattunnu lari.

PAMMUJI 18:36

O, Batara, Kila'langia' siagang Kipasalamaka', Kipakajarreka' siagang koasaTa; a'jari porema' lanri gautTa.

1 KORINTUS 3:19

Nasaba' tau nicini' cara'deka ri anne linoa, sikontutojenna nicini' dongoki ri Allata'ala. Nia' tattulisi' lalang ri Kittaka angkanaya, “Battu ri kacara'dekanna tonji tu cara'deka, nanijakkala'mo kananna ri Allata'ala.”

HOSEA 10:6

Anjo barhalaya laniengkaki mange ri Asyur untu' nihadiakang mae ri karaeng lompoa. Naturuki Israel rancana angngerangai ke'nanga mae ri nipakasirika siagang nipakatunaya.

PAMMUJI 33:10

Napassalasai Batara rancanana bansa-bansaya, Napattaenai apa nakaerokia ke'nanga.

AYUB 36:16

Napakabebasa' mako Allata'ala battu ri kasukkarang, sa'genna akkulle nukasia' kasannangnganga, siagang rassi mejang pangnganreannu siagang kanre.

AYUB 20:22

Ri wattu sangganamo kala'bianna, battumi pa'risika siagang susaya antujui.

AYUB 15:6

Tena kuparallu antuduko siagang ansalakangko, saba' lanri kana-kanannu tonji nanituntukko.

2 SAMUEL 17:14

Nalangngere'na anjo, nakanamo Absalom siagang sikontu tu Israel, “Anjo kana pangngunju'na Husai bajikangngangi nakana pangngunju'na Ahitofel.” Memang, Batara le'ba' ampattantui laNahalangi anjo kana pangngunju' baji'na Ahitofel, sollanna nituju Absalom ri bala lompo.

2 SAMUEL 15:31

Ri wattunna nipauang Daud angkanaya amminawang tongi Ahitofel assikongkolo' siagang Absalom, appala' doammi Daud kamma anne, “O, Batara, poro tena lalo Kipa'jari kana-kananna Ahitofel!”

2 KARAENG-KARAENG 6:11

Sanna'mi birisi'na karaeng Siria ri anjo passalaka, sa'genna nakio' sikamma perwira tantarana nampa akkuta'nang angkana, “Ma'nassa nia' tau ri katte a'bali'ballang. Inai anjo taua? Paui!”

PANGNGEBARANG 11:5

Oloanna tau bajika nilapparri ri kalambusang, mingka tau ja'dalaka naerangi kalenna mae ri kapanrakanga.

PANGNGEBARANG 29:6

Tau ja'dalaka niallei ri sikko' lanri dosana, tau lambusuka sannangi nakasia' siagang mate'nei.