AYUB 18:4 - KITTA' MATANGKASA'

⁴ Anjo larronu poro kalennuji napa'risi. Apaka musti tappelaki pandudu'na buttaya lanri untu' kaparalluannu, siagang nipalette' sikamma monconga battu ri tampa'na?

AYUB 18:4 Referans Kwoze

AYUB 16:9

Lalang larro duduNa Nakekke'-kekkeki Allata'ala tubuku; birisi' sikali ancinikia'.

AYUB 14:18

Sallang sikamma monconga laruntungi siagang tassimbung-simbung, na moncong batu kassaka la'lessoki battu ri tampa'na.

AYUB 13:14

Sadiama' ansaungi nyawaku!

LUKAS 9:39

Kapunna nipantamakki ri roh ja'dalaka, ti'ring ammarrang-marrammi, siagang ka'doro'mi kalenna nampa a'busa bawana. Sanna' nisessana ri anjo roh ja'dalaka, siagang taerokai anjo roh ja'dalaka assulu' battu ri kalenna!

MARKUS 9:18

Punna nibattuiseng ri roh ja'dalaka, napatappa'-tappasaki kalenna naung ri buttaya, nampa a'busa bawana, a'rekuki giginna siagang ka'doro' ngasengi kalenna. Kupalaki ri ana'-ana' gurunTa sollanna nabongka assulu' anjo roh ja'dalaka, mingka tanakulleai ke'nanga.”

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

YUNUS 4:9

Mingka Nakana Allata'ala ri ia, “Tena nusiratang si'na kamma anjo passabakkang anjo lamung-lamunga!” Appialimi Yunus angkana, “Angngapa natena? Siratanga' larro sikali sa'gengku mate.”

YEHEZKIEL 9:9

Appiali Allata'ala angkana, “Tu Israel siagang tu Yehuda le'baki nagaukang dosa lompo dudua. Nagaukangi ke'nanga pammunoanga ri sikontu tampaka, siagang nara'massi Yerusalem lanri kaja'dallanna ke'nanga. Nakana ke'nanga angkana iNakke, Batara, Kubokoimi anne pa'rasanganga, sa'genna takkulleami Kucini' panggaukanna ke'nanga.

YESAYA 54:10

Manna pole ta'lengga sikamma monconga siagang sikamma buluka, talammariA' angkamaseangko. Tuli Kuta'gala' jarreki parjanjiang passiamakkangKu,” kananNa Batara mangngamaseanga ri kau.

AYUB 40:8

Maka eroki nusassali kaadelangKu, nupattojeng kalennu nampa iNakke nusalakang?

AYUB 5:2

Tau toloaji bawang matea lanri pa'risi' nyawana.

AYUB 18:3

Angngapa nupakkanai tolo ikambe, na nupasangkamma ikambe siagang sapi?

AYUB 18:5

Kanjolina tau ja'dalaka musti nibunoi; tenamo nalaniparinra poleang pepe'na.