AYUB 18:17 - KITTA' MATANGKASA'

¹⁷ Taniassengami, ri lalang yareka ri pantarang kota; tenamo manna sitau angngu'rangi arenna.

AYUB 18:17 Referans Kwoze

PANGNGEBARANG 10:7

Pangngu'rangia mae ri tau bajika angngerangi barakka', mingka tau ja'dalaka lintaki nikaluppai.

PAMMUJI 34:16

Naparhatikangi Batara tu bajika, Napilangngeri ke'nanga punna akkio' appala' tulung

PAMMUJI 109:13

Boli'mi kamma nipaccappu' sikontu turunganna, na nikaluppai arenna ri ana'-ana' ri bokoa.

PANGNGEBARANG 2:22

Mingka tau ja'dalaka siagang tau dorakaya lanipasambilai assulu' ri Allata'ala battu ri anjo pa'rasanganga, sanrapang ruku' nibi'buka battu ri buttaya.

PAMMUJI 83:4

Appareki rancana cara'de' untu' angngewai ummatTa; assikongkoloki ke'nanga angngewai sikamma tau Kijagaia.

AYUB 13:12

Sikontu pappasailenu sanrapangi limbu'bu' tenaya matu-matunna; alasannu sanrapangi butta pi' gampanga atte'ngere'.

AYUB 24:20

Amma' kalenna angkaluppai, na nikanre tubuna ri gallang-gallang. Talaniitungami pole arenna; nipanraki sanrapang poko' tumbang.

PAMMUJI 109:15

Boli'mi kamma tuli Nau'rangi Batara dosana ke'nanga, na tenamo angngu'rangi ke'nanga ri lino.

NAHUM 1:14

Iaminne kaputusanNa Batara ri passala'na bansa Asyur, angkana, “Tenamo turunganna ke'nanga untu' ampannarrusuki jari-jarina bansana. Patung-patung barhala niaka lalang ri balla' rewata-rewatana laKuancuruki. Kupasadiami jera'na bansa Asyur nasaba' tenamo nasiratang ke'nanga attallasa'!”

PAMMUJI 9:6

IKatte le'ba' anghukkungi bansa-bansaya siagang Kiposso' sikamma tu ja'dalaka; nikaluppaimi ke'nanga sa'genna satunggu-tungguna.

PAMMUJI 41:5

Kukana, “Dorakama' mae ri Katte, o, Batara, kamaseanga' siagang Kipammollea' ri garringku.”

YESAYA 14:20

Le'ba'mi nupanraki pa'rasangannu siagang nubuno bansa kalennu. Lanri kammana anjo tenamo nitarawangko kau sangkamma karaeng-karaeng maraenga. Tena manna sitau battu ri anjo kaluarganu ja'dalaka lanipasalama'.

YESAYA 26:14

Matemi ke'nanga siagang tenamo nalattallasa' poleang, talambangungami ammotere' rohna. Saba' cappu'mi ke'nanga le'ba' Kiancuru' siagang Kipela' ri pangngu'ranginTa.