AYUB 18:11 - KITTA' MATANGKASA'

¹¹ Nipabangkai tau ja'dalaka ri apa appakamalla' niaka battu ri kere-keremae; sangnging malla' ampinawangi dakka-dakkana.

AYUB 18:11 Referans Kwoze

AYUB 15:21

Sa'ra-sa'ra hebaka lanreppeki tolinna; ri wattu amanga battui paellaka ambakkai.

YEREMIA 6:25

Tenamo nabarani ke'nanga naung ri aganga yareka a'lampa mange ri kokoa, lanri kemae-kemaemi musua angngeranga sanjata appania' karicuang siagang pammunoang.

YEREMIA 49:29

Alleangi sikamma olo'-olo'na, iamintu gimbala', unta, kammayatompa kema-kemana ke'nanga siagang sikontu bonena, siagang ammarrangko mae ri ke'nanga angkana, ‘Nikatulungko ri pammunoang!’

YEREMIA 46:5

Mingka inakke, Batara, Kuciniki ke'nanga ammunduru' napakamma malla'. Sikamma tantarana nibetai, lari napakamma malla' tamassaile mae ri boko.

AYUB 20:25

Nitabai ri pana sa'genna loko'; cappa' pana accilla' antarrusuki kalenna, nanikalimbu'mo ri malla' pa'mai'na.

KAIMANGNGANG 26:36

Sikamma taunnu ia niaka ri pammelakkang ri pa'rasangang maraenga, laKupa'jari teai sipato' malla'na, sa'genna manna sa'ra leko' kayu nairi'ja bawang anging nalangngere' nalarimo napakamma malla'. Lalariko sanrapang tau niondanga lalang ri pa'bundukanga, nampa tu'gurukko manna natenaja musu ri ampi'nu.

2 KORINTUS 5:11

Naassemmi ikambe angkana apa battuanna nikanaya malla' mae ri Batara; iaminjo saba'na nausahamo ikambe ampakatappaki taua ri sesena kalenna ikambe. Baji' niassenna ikambe ri Allata'ala, naminasai sollanna nanuasseng todong ikambe lalang ri atinnu ngaseng.

PANGNGEBARANG 28:1

Tau ja'dalaka lari nampa tena angngondangi, mingka tau lambusuka, barani sanrapang singa.

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

PAMMUJI 53:5

Nakana Batara, “Tenaka nangngu'rangi anjo sikamma tau ja'dalaka? Lalang tallasa'na narampasaki ke'nanga apa-apanna ummakKu siagang tena le'bakai appala' doang mae ri Nakke.”

AYUB 20:8

Lalanynyaki sanrapang bayang-bayanna so'naya, lanynya' sanrapang paccini' ri wattu bangngia.

AYUB 6:4

Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.

AYUB 18:10

Ri butta, nia' taccokko sikko' nitannang; kammayatompa ri oloanna, nia' todong sadia sikko' na tado'.

AYUB 18:18

Battu ri singaraka nibongkai antama' ri sassang; nibongkai battu ri lino katallassang.

YESAYA 28:19

Lanitujuko ri kacilakang situlusu'na, siagang musti nutanggong ngasengi anjo kammaya allo-allo, bari'basa', tangngaallo siagang bangngi. Lannekkerekko napakamma malla' punna nupahangi pappasanNa Allata'ala.

DANIEL 5:9

A'jari pila' lussa'mi siagang pila' pi'lasa'mi Karaeng Belsyazar; kammayatompa sikamma tumalompona sanna' ngasemmi linguna.

1 SAMUEL 28:5

Nacini'na Saul anjo tantara Filistin, a'jari sanna'mi malla'na.

AYUB 22:10

Lanri kammana minjo narassimo sikko' ri tammulilinu, siagang ti'ring nitongko'mi ri pakkasia' malla' atinnu.

AYUB 27:20

Battumi bala lompoa antujui sanrapang je'ne' a'ba ti'ring battua. Anging puttusu' ri wattunna bangngi anri'bakangi siagang anre'resangi a'lampa.