AYUB 17:9 - KITTA' MATANGKASA'

⁹ Tau bajika siagang tau tenaya salana, pila' tappa'mi angkana ningai ri Allata'ala batena attallasa' ke'nanga.

AYUB 17:9 Referans Kwoze

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

AYUB 22:30

LaNatulungko Allata'ala punna tena nusala, siagang punna nugaukang ero'Na.”

PANGNGEBARANG 14:16

Tau bajika akkala'na tutui na bella battu ri kaja'dallanga, tau dongoka lintaki nai' larrona, nampa amang nasa'ring.

PAMMUJI 84:7

Lalang a'jappana ke'nanga numalo ri Ka'bung Baka, napinrai anjo tampaka a'jari timbuseng je'ne', uru bosia angngerang barakka' alla'bi-la'bi.

PA'JARIANG 20:5

Kalenna Abraham angkana andi'na anjo bainea, nampa kamma todong anjo kananna anjo bainea. Matangkasaki ati mailalangku anggaukangi anne passalaka, jari tena nakusala.”

PAMMUJI 73:13

Sia-siaji kujagai katangkassanna atingku; tena matu-matunna kupakabella kalengku battu ri dosaya.

PAMMUJI 26:6

Kubissai limangku pammatei tena kusala, na ku'jappa angnginroi tampa' pakkoro'bangnganTa, o, Batara,

1 YOHANES 2:19

Ia musu-musunNa Almasi, iamintu sikamma tau a'lampayamo ambokoiki', nasaba' anjo ke'nanga teai memangi taunta. Punna taunta anjo ke'nanga, tantu tuli ammantangi assiagang ikatte. Mingka assulu'mi ke'nanga battu ri katte, sollanna a'jari singara'mo angkanaya tena manna sitau battu ri ke'nanga antama' tojeng-tojenga ri golonganta.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

MARKUS 7:2

Le'baki nacini' ana'-ana' gurunNa Isa angnganre nara'masa' limanna. Tena nabissai rolong limanna, situru' atoranna agamaya.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PAMMUJI 24:4

Tu tenaya callanna pikkiranna siagang panggaukanna, tenaya nassumpa napare'-pare' siagang tenaya nanynyomba barhala.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!

AYUB 31:7

Ebara' angkana ammengkama' battu ri oloang tojenga, yareka nibeso'mi pa'maikku mae ri apa ra'masaka, punna ra'masa' limangku lanri dosa,

2 SAMUEL 3:1

Anjo pa'bundukanga battu ri tumminawanga ri kaluargana Saul a'bali tau amminawanga ri Daud tena nammari-mari. Pila' kassaki Daud, nampa balinna pila' lammai.

AYUB 27:5

Jari taeroka' ampaui angkana annabako; sa'gengku pole mate lattahanga' angkana tena kura'masa'.

AYUB 27:6

Tuli anna'galakka' mae ri kamannurukingku, siagang tuli tangkasa'na ati mailalangku.

AYUB 33:9

Nukana, ‘Tangkasakka', tena kasalang kugaukang. Tena callangku siagang tena kodi gaukku.

PAMMUJI 11:3

Punna panra'mo atoranna katallassang tau jaia, tenamo pakkullena tau bajika.”

PAMMUJI 84:8

Pila' katambang kagassinganna ke'nanga, wattu a'jappana mange ri Sion, mange ri tampa' Allata'alana sikontu rewataya ampappicinikangi kalenna.

PANGNGEBARANG 10:25

Punna battu anging lompoa antujui, lanynya'mi tau ja'dalaka; mingka tau lambusuka tuli jarreki satunggu-tungguna.

PANGNGEBARANG 10:30

Tau te'nea pa'mai'na tallasa'na laamangi na salewangang; tau ja'dalaka talammantangai ri butta pisakaya.