AYUB 16:5 - KITTA' MATANGKASA'

⁵ Lakupakajarreki pa'mai'nu siagang siapa are pappitangara'; kana-kanangku lassareko panynyaleori.

AYUB 16:5 Referans Kwoze

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

PANGNGEBARANG 27:17

Sangkamma bassi baja ampakatarangi bassi bajaya, kamma tomminjo rupataua appilajaraki battu ri paranna tau.

PANGNGEBARANG 27:9

Sanrapang minynya'-minynyaka siagang bau'-baukanga appakasannangi pa'mai', kammaminjo kabajikanna aganga appakamalei nyawa.

PAMMUJI 27:14

Manrannuangko mae ri Batara, gassingi siagang pakajarreki pa'mai'nu; manrannuangko mae ri Batara!

AYUB 29:25

Inakke anna'gala' pimpinang, siagang angngalle kaputusang. Kupimping ke'nanga rapang karaeng ri tangngana pasukanna, na kusaleori ke'nanga lalang si'nana.”

AYUB 6:14

Lalang ri pa'risi' kammaya anne, kuminasai sahaba' sitojennaya. Apaka tuli jarre' iji tappakku yareka kubawang-bawangngammi Kaminang Koasaya.

AYUB 16:4

Ebara' angkana ikau ngaseng antu inakke, nampa inakke a'jari ikau ngaseng, akkulle tonja' a'bicara kamma anjo. Kupitambungiangko bicara; lakupammenggong-menggongi ulungku.

AYUB 16:6

Punna kua'bicara, tena nanaung pa'risikku; punna a'merekia', apa todong matu-matunna?

AYUB 6:25

Kana-kana lambusuka, appakasannangi pa'mai', mingka bicarannu ngaseng kosongi, tena battuanna!