AYUB 16:15 - KITTA' MATANGKASA'

¹⁵ Ammakea' karung tanra si'na, na kummempo ri au lanri nibeta.

AYUB 16:15 Referans Kwoze

PA'JARIANG 37:34

Nakekke'mi pakeanna Yakub lanri si'nana nyawana, nampa ammake pakeang kasusaang. Siapa are allonna nakarruki anjo anaka.

YESAYA 22:12

Anjo wattua laNasuro ngasengko Batara Kaminang Tinggia siagang Kaminang Makoasaya angngarru' siagang appiraung, ancukkuruki uu'nu siagang ammake kaeng karung.

PAMMUJI 75:5

Mae ri tau nangaia akkana borro laKupauangi sollanna tenamo nakkana borro pole.

1 KARAENG-KARAENG 21:27

Le'baki Elia a'bicara, nakekke'mi pakeanna Ahab siagang ammakemi kaeng karung salaku pammatei ri sesse' lalanna, nampa appuasa. Manna ri wattunna tinro ammake tonji pakeang karung, siagang punna a'jappai tuli susana tanja'na.

PAMMUJI 75:10

Mingka latuli kukabarrangi Allata'alana Yakub, kukelongangi lagu-lagu pammujia mae ri Ia.

AYUB 30:19

Nipatappasakka' antama' ri peoka, a'jari sanrapang mama' loro!

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”

1 SAMUEL 2:1

Nampa appala' doang Hana, angkana, “Napakarannui Batara atingku; gau'Na napakasannangi nyawaku. Mate'nei kusa'ring ancau-caui musungku, nasaba' le'ba' tojeng-tojengku Natulung Allata'ala.

AYUB 19:9

Narampasaki sikontu barang-barangku, Napanraki areng bajikku.

PAMMUJI 69:11

Angngarruka' siagang appuasa', mingka nahina' ke'nanga.

PIRAUNG 3:29

Parallui nipakatuna kalenta na nipassareang kalenta lanri nia'na ija panrannuang.