AYUB 16:12 - KITTA' MATANGKASA'

¹² Sumpaeng amangi na salewangang tallasakku, mingka ti'ring nibakkaia' ri Allata'ala. Nata'galaki kacikorokku nampa Napatunrung ri buttaya; Napa'jaria' tampa' untu' latihang.

AYUB 16:12 Referans Kwoze

AYUB 7:20

He Pajagaku, apaka rugiKi' lanri dosaku? Angngapa na inakke Kipare' pallio-lio ri panaTa? Battala' sikalika dosaku antujuKi'?

PIRAUNG 3:4

A'bokka'-bokka' kalengku napakamma, na tepo' buku-bukungku.

PAMMUJI 44:19

Tena natakkaluppa atinna ikambe mae ri Katte; tena nadakkai ikambe parentaTa.

ROMA 16:4

Le'baki ke'nanga sike'de' mate lanri ero'na ke'nanga ampalilia' ri balaya. Appala' sukkurukka' mae ri ke'nanga; ba'lalo teai inakke bawang, mingka sikontu jamaah bansa-bansa maraenga appala' tarima kasi' ngasengi mae ri ke'nanga.

MATIUS 21:44

Tau tu'guruka naung ri batua laancuruki; na tau nitujua ri batua lanijalla'-jallakkangi sa'genna a'jari limbu'bu'.]”

YEHEZKIEL 29:7

Ri wattunna tanjeng ke'nanga ri kau, ikau tepo' mako nampa nuto'do' epana ke'nanga, sa'genna tassala ura' salangganna ke'nanga.

AYUB 29:3

Tuli Nasarea' pannulung, Nasingaria' ri wattungku a'jappa lalang ri sassang.

AYUB 15:26

Tampoi ambakkai siagang angngewai Allata'ala; naangkaki pa'lapa' barambanna, tena sikali naero' nibeta.

AYUB 9:17

Nalicaka' lalang ri anging puttusu', na Natambai pa'risikku natena passabakkanna.

AYUB 7:12

Angngapa na inakke anne tuli Kijannangngi siagang Kijagai? Apaka inakke anne Kikana' naga tamparang angngeranga bahaya?

AYUB 4:10

Tau ja'dalaka ammammuki siagang appiraungi, sanrapang singa appiraung ke'nanga. Mingka Natongkoki Allata'ala bawana ke'nanga siagang natepoki gigi-giginna.

AYUB 3:26

Tena kasannangngang mae ri nakke, pa'risikka' tena kale'bakkanna.”

AYUB 16:11

Napassareanga' Allata'ala mae ri tau dorakaya; Natu'guranga' antama' ri limanna tau kodi sipaka.

AYUB 6:4

Pana battua ri Kaminang Koasaya natarrusuki kalengku; a'la'bangi racunna ri sikontu nyawa siagang batangkalengku. KahebakkanNa Allata'ala sanna' appakamalla'na, na battu ambakkaia' sanrapang pasukang musu.

AYUB 23:16

Naancuru' ngasengi Kaminang Koasaya sikontu kabaraniangku. Mallaka' lanri Allata'ala, teai lanri sassang makkapuna, manna pole natammulilia' anjo sassanga, siagang pole natongko' rupangku.”

PIRAUNG 3:3

A'mole-molea' niba'ji, tuntungallo tamangngamaseang.