AYUB 15:14 - KITTA' MATANGKASA'

¹⁴ Maka akkullei rupataua tena sikali salana? Akkullekai nipannaba ri dallekanNa Allata'ala?

AYUB 15:14 Referans Kwoze

KATO'BA 7:20

Tena tau sukku' baji'na ri linoa anne; tena tuli a'gau' baji' siagang tale'baka doraka.

AYUB 14:4

Maka akkullei tau dorakaya appa'nia' apa sukku' baji'na?

PANGNGEBARANG 20:9

Maka nia' tau akkulle angkana, “Tangkasaki atingku, ta'lappasaka' battu ri dosaya?”

ROMA 7:18

Kuassemmi angkanaya tena sikalimo apa-apa baji' lalang ri batangkalengku, iamintu lalang ri sipa'-sipa' rupatauku. Nasaba' nia' erokku anggaukangi kabajikanga, mingka takkullea' anggaukangi.

PAMMUJI 14:3

Mingka sikontu taua sala gau' ngasemmi siagang panra'mi, manna sitau tania' a'gau' baji'.

1 KARAENG-KARAENG 8:46

Punna doraka ummatTa mae ri Katte – sikontutojenna tena manna sitau tadoraka – nampa Kibalang parekang ke'nanga nibeta ri musua lanri larroTa, siagang nierang a'jari tunitahang mange ri se'reang pa'rasangang bellaya yareka ambania,

GALATIA 3:22

Mingka nia' tattulisi' lalang ri Kittaka angkanaya nikoasai ngasemmi sikontu rupataua ri dosaya. Lanri kammana, anjo passare nipa'janjianga nipassareangi mae ri tau tappaka, lanri tappa'na ke'nanga mae ri Isa Almasi.

YOHANES 3:6

Battu ri lahere'na rupataua, tau toana allassukangi, mingka battu ri rohna rupataua, RohNa Allata'ala allassukangi.

KATO'BA 7:29

Poro iaji anne bawang kugappa: Napa'jari tubiasaki' Allata'ala siagang tena sukkara'na. Mingka kalenta tonji ampa'jari sukkaraki kalenta.

PAMMUJI 51:5

Saba' kuakui sikamma kasalangku, tuli kuu'ranginna dosaku.

2 PATTOTTORANG 6:36

Punna doraka UmmatTa mae ri Katte – sikontutojenna tena manna sitau tadoraka – lanri Kibalang parekang ke'nanga nibeta ri musua lanri larroTa, nampa nierang ke'nanga ri musunna salaku tunitahang mange ri se'reang pa'rasangang bella yareka ambani,

AYUB 15:13

larroko mae ri Allata'ala siagang nubali-bali.

AYUB 14:1

Battu ri lassu'na anjo taua lamma memangi, tena kullena; sinampe'ji attallasa' siagang rassi pa'risi' tallasa'na.

PAMMUJI 14:2

Battu ri suruga Naciniki Batara umma' rupataua untu' amboyai tau annabaya siagang anynyombaya ri Ia.

PAMMUJI 143:2

Inakke anne atanTa, teaKi' adelia', saba' taniakka tau tania' salana ri dallekanTa.