AYUB 14:15 - KITTA' MATANGKASA'

¹⁵ Nampa laKikioka', kunampa lappiali todong; lamangngamaseangKi' ri nakke, tallasa' bate pa'jariTa.

AYUB 14:15 Referans Kwoze

PAMMUJI 138:8

IKatte lanrupai janjinTa mae ri nakke; teaKi' ammari angngalle tindakang untu' ummatTa.

AYUB 13:22

A'bicara maKi', nakuppiali. Yareka boli'ma' kamma a'bicara, naKibalasakka' a'bicara!

AYUB 10:3

Apa Kisawala' punna Kijallakkanga' kamma anne, siagang Kipela' bate pa'jari kalenTa? Apa Kisawala' punna Kiiyoang panggappana siagang rancanana tau ja'dalaka?

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.

1 TESALONIKA 4:17

Le'baki anjo, ikatte tau attallasaka ija anjo wattua lanipasiangka' ngasengki' siagang ke'nanga antama' ri rammanga untu' mange assibuntulu' siagang Batara. Nampa lammantang maki' siagang Batara sa'genna satunggu-tungguna.

AYUB 10:8

Inakke anne bate pare' limanTa', masa' laKipanrakia' kamma-kamma anne?

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

1 YOHANES 2:28

Jari, sikamma ana'-anakku, tuli asse're mako siagang Almasi lalang ri katallassannu, sollanna punna battui sallang, akkulle maki' andallekang mae ri Ia siagang barani; siagang tenamo nuero' accokko lanri siri'-siri'nu.

AYUB 14:14

Saba', punna mate taua, maka akkullei attallasa' ammotere'? Allo pila' allo attayanga' sa'genna allalomo wattu pa'risikku.