AYUB 14:10 - KITTA' MATANGKASA'

¹⁰ Mingka punna mate rupataua, la'busu'mi riwaya'na; nabokoimi linoa, nampa kemae lampana?

AYUB 14:10 Referans Kwoze

AYUB 19:26

Manna bokka'-bokka' siagang reppe'-reppe' bukkulengku, mingka lalang nia'na ija tubuku, laccinika' mae ri Allata'ala.

AYUB 14:12

kamma tomminjo tau mateamo; tenamo nakkulle ambangung poleang. Tenamo nalambangung lalang nia'na ija langika, tenamo nale'ba' ambangung poleang battu ri tinrona.

PA'JARIANG 49:33

Le'baki Yakub appasang ri ana'-ana'na, anra'bami naung nampa mate.

LAMPA-LAMPANA 5:10

Anjo wattua, tu'guru' memammi anjo bainenna Ananias, namate ri dallekanna Petrus. Na wattunna antama' anjo ana'-ana' rungkaya, narapikammi ke'nanga matemi anjo bainenna Ananias. Naerammi ke'nanga assulu' anjo mayaka, nampa naerang mange natarawang ri ampi'na bura'nenna.

MATIUS 27:50

Ammarrang lompomi pole Isa, nampa tappu' nyawaNa.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

AYUB 10:18

Angngapa Kilappassanga' lassu' ri lino? Bajikangngang matema' ri tenanapa nacinikka' taua!

AYUB 3:11

Angngapa kutamatea lalang ri battanna ammakku, yareka tappu' nyawaku ri wattungku nilassukang?

1 PATTOTTORANG 29:15

Kiassengi o Batara, angkanaya sangkamma boe-boena ikambe, ikambe anne pole nijappai anne katallassanga sanrapangki' tubattu-battu bawang. Katallassanna ikambe sanrapanji bayang-bayang allaloa, siagang takkulleai ikambe alliliangi kamateanga.

AYUB 3:13

Ebara' angkana ammoteramma' anjo wattua, attinroma' siagang ammari-marima' sannang kusa'ring,

AYUB 13:9

Punna Naparessako Allata'ala, maka labajiki kajarianna? Maka akkulleko antipui sangkamma nutipuna rupataua?

AYUB 14:9

mingka punna nisero ri je'ne', attimbo poleammi; sangkamma lamungang beru, ammumba poleammi cu'la'-cu'la'na.

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

AYUB 20:7

mingka lalanynya' tonji satunggu-tungguna, lanynya' battu ri linoa, nahina sikali carana lanynya'. Sikamma tau le'baka angngassengi, lakkuta'nangi angkana, ‘He, kemae lampana?’

KATO'BA 3:20

Sangkammaji tampa' lanatujua ke'nanga. Assala'na ke'nanga iamintu limbu'bu siagang lammotereki mae ri limbu'buka.

KATO'BA 3:21

Tena niassengi, angkanaya apaka anjo nyawana rupataua a'lampa naiki nampa nyawana olo'-oloka naungi ri buttaya.