AYUB 14:1 - KITTA' MATANGKASA'

¹ Battu ri lassu'na anjo taua lamma memangi, tena kullena; sinampe'ji attallasa' siagang rassi pa'risi' tallasa'na.

AYUB 14:1 Referans Kwoze

AYUB 5:7

Tena! Passangalinna battu ri kalenna rupataua ampabattui cilakaya mae ri kalenna, sanrapang racci' bunga pepe' ammumba battu ri pepe' kalenna.

KATO'BA 2:23

Manna apa mamo le'ba' nagaukang lalang tallasa'na, angngerangi sessa siagang pa'risi' pa'mai' mae ri kalenna. Manna ri wattu bangngia lussa' tonji pa'mai'na. Jari, yangasenna anjo, poro sia-siaji bawang.

AYUB 25:4

Maka akkullei rupataua tangkasa' ri paccini'Na Allata'ala? Maka akkullei ti'no' ri matanNa?

AYUB 7:1

Rupataua sangkammai tau nipassa barjuang; susai katallassanna sangkamma tau angnganre gaji;

PA'JARIANG 47:9

Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

MATIUS 11:11

U'rangi laloi anne! Tenanniakka tau le'ba' nia' ri lino lompoanganga na Yohanes Paje'ne'. Mingka manna nakamma mamo, inai-nai kaminang tuna ri umma'Na Allata'ala, lalompoangangi na Yohanes.

PAMMUJI 51:5

Saba' kuakui sikamma kasalangku, tuli kuu'ranginna dosaku.

AYUB 15:14

Maka akkullei rupataua tena sikali salana? Akkullekai nipannaba ri dallekanNa Allata'ala?

AYUB 9:25

Allalo karo-karomi sikamma allo tallasakku, nampa allanynya' natena nabaji' nasa'ring.

AYUB 7:6

Tallasa' tamanrannuangku larimi mae ri kala'busanna, sarringngangngang nalarina sikoci masinana tau anjaika.

KATO'BA 2:17

Lanri kammana, anjo tallasaka tena anggaranna mae ri nakke, tena maraeng. Yangasenna sia-siaji bawang; poro angngondangkuji bawang anging.

PAMMUJI 39:5

“O, Batara, Kipauanga' ringngapanna wattu a'jalakku sollanna kuasseng antekamma bodona tallasakku.”

PA'JARIANG 3:17

Nampa Nakana Karaeng Allata'ala mae ri anjo bura'nea, “Nupilangngeri kana-kananna bainennu nampa nukanre anjo rappo kayu le'baka Kupappisangkang angkana teako kanrei. Lanri anjo panggaukannu, nitunraimi buttaya. Musti anjama terasakko lalang sikontu tallasa'nu nanampa akkulle assare wassele' ganna' anne buttaya untu' kanrenu.

AYUB 10:20

Ah, tenamo nasallo kulamate, jari lappassamma' kale-kalengku, sollanna akkulle kukasia' wattungku niaka tassesa anne.

PAMMUJI 89:47

Sa'genna siapa salloTa laccokko, o, Batara? Sa'genna siapa sallona la'rinra kamma pepe' kalarroanTa?

YEREMIA 20:18

Angngapa kumusti nilassukang? Poro untu' pa'risi' siagang kasukkarang? Siagang sollanna allalo tallasakku lalang siri'-siri' bawang?

2 KARAENG-KARAENG 4:19

Ti'ring akkio'mi anjo anaka mae ri manggena angkana, “Edede! Pa'risiki ulungku!” Nakanamo manggena mae ri se'reang palayanna, “Erangi anne anaka mange ri amma'na.”

AYUB 8:9

Tallasatta bodoji, tena apa-apa niasseng; allota sanrapanji bayang-bayang.

AYUB 25:5

Untu' Allata'ala, ba'lalo bulanga tena todong nasingara', na bintoenga Nakana tongi kallangngang.

PAMMUJI 39:6

Antekamma bodona umurukku Kipattantua! Untu' iKatte tena siapa la'buna tallasakku. Tojeng, rupataua sanrapanji sipa'maikang nappasa' bawang,