AYUB 12:9 - KITTA' MATANGKASA'

⁹ Inai ri yangasenna anjo ke'nanga tangngassengai, angkana mappa'jarina ke'nanga iamintu KalenNa Allata'ala?

AYUB 12:9 Referans Kwoze

YESAYA 41:20

Na sikontu taua lanaciniki siagang lanaassengi angkana iNakke, Batara, anggaukangi anjo. Lanaparhatikangi siagang lanapahangi ke'nanga, Allata'ala matangkasa'na Israel ampa'jari anjo kammaya.”

ROMA 11:36

Allata'ala ampa'niaki sikontu apa-apa niaka. Sikontu apa-apaya battu ri Allata'ala kabusuki assala'na siagang untu' Allata'ala kabusu'. Nipujimi Allata'ala sa'genna satunggu-tungguna! Aming.

LAMPA-LAMPANA 19:35

Kale'bakkanna akkullemi nipakasannang anjo tau jaia ri jurutulisi'na anjo kotaya. Nakana anjo jurutulisika, “Ikau ngaseng tau ammantanga ri Efesus! Baji' ngaseng naassenna taua angkanaya anne tau niaka ri Efesus amparakai balla'na Rewata Artemis siagang batu matangkasa' tu'guruka battu ri langika.

DANIEL 9:17

O Allata'alana ikambe, Kipilangngeri laloi pappala' doangku siagang sambayangku. Kipakabajiki ammotere' anjo ballatTa le'baka niancuru'; Kipakabajiki sollanna sikontu taua akkullei naasseng angkanaya iKatte Allata'ala.

DANIEL 5:18

Allata'ala Kaminang Tinggia, iamintu le'baka ampa'jari Nebukadnezar, manggena karaengku, a'jari karaeng mala'biri' siagang assarei kalompoang na masahoro'.

1 SAMUEL 2:7

Nia' tau Napa'jari kasi-asi dudu, nia' todong Napa'jari kalumanynyang. Nia' tau Napakatuna, nia' todong Napakatinggi.

AYUB 12:3

Inakke tau nia' tonja akkala' bajikku; sikontu nupaua ngaseng anjo kupahang tommi. Nampa pole, inai tau angngasseng ngasengi anjo sikammaya? Jari, teako nanukana ngaseng la'biangngang mako na inakke!

AYUB 22:18

Nampa Allata'alaja le'ba' ampa'jari kalumanynyangi ke'nanga! Tena tojeng nakupahangi batena appikkiri' tau salaya pikkiranna!

AYUB 12:8

Appalakko kasingarang mae ri apa attallasaka ri butta siagang ri tamparang, na nasareko ke'nanga kasingarang.

AYUB 13:1

“Yangasenna anjo le'baki kulangngere' siagang kucini' kalengku, siagang kupahang tojeng-tojeng.

PA'JARIANG 1:20

Nampa Nakana Allata'ala, “Kuerokangi nia' apa-apa attallasa' a'lange-lange lalang ri je'neka, siagang jai jangang-jangang anri'ba' rate ri allaka.”