AYUB 11:12 - KITTA' MATANGKASA'

¹² Punna anrong keledai liara' allassukang keledai annaba, nampami akkulle tau toloa a'jari cara'de'.

AYUB 11:12 Referans Kwoze

YAKOBUS 2:20

Ma'nassa sanna' dongo'nu! Maka paralluko nipa'buttiang angkanaya ma'nassa tena matu-matunna nia' tappatta punna tena na'nyata lalang ri panggaukanta?

KATO'BA 3:18

Bodona kana iamintu: Naujiki' Allata'ala untu' ampappicinikangi angkanaya anjo sarenta tena sisalana siagang sarenna olo'-oloka.

PAMMUJI 73:22

dongoka' natena kupahangi, sanrapanga' olo'-olo' ri dallekanTa.

EFESUS 2:3

Riolo sangkamma ngaseng tongki' anjo ke'nanga; amminawang turukki' mae ri sipa'-sipa' rupatauta, siagang iaji nigaukang apa akkullea ampakasannangi tubuta siagang pikkirang ja'dalatta. Anjo wattua nataba tongki' pangngalarroiNa Allata'ala, sangkamma tau maraenga.

ROMA 12:16

Massing assiamakko siagang assibajikiko. Teako tinggi langgai, mingka pakatunai kalennu sangkamma tau tunaya. Teako angkanai kalennu cara'de' dudu ri sitojennaya.

ROMA 1:22

Nakanai cara'de' kalenna, padahala' sikontutojenna toloi.

YEREMIA 2:24

nampa antama' ri parang lompo sinoa. Tanakulleai naparrangngi punna battu balere'na. Ia cinnaya taparalluami a'boya' lanri punna wattu pa'lakiang tuli napassareangi kalenna.

PAMMUJI 92:6

Tamaka lompona sikamma panggaukanTa, o, Batara, tamaka lantanna sikamma pikkiranTa!

PAMMUJI 51:5

Saba' kuakui sikamma kasalangku, tuli kuu'ranginna dosaku.

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

AYUB 15:14

Maka akkullei rupataua tena sikali salana? Akkullekai nipannaba ri dallekanNa Allata'ala?

AYUB 6:5

Sukku' pakkasia'na keledaia punna nisare ruku' lolo, kammayatompa sapia punna nisare kanre.

PAMMUJI 39:5

“O, Batara, Kipauanga' ringngapanna wattu a'jalakku sollanna kuasseng antekamma bodona tallasakku.”

PAMMUJI 39:11

Kialle laloi hukkunganTa battu ri kalengku, saba' a'birimma' mate napakamma pannunrunTa.

PAMMUJI 144:4

Anjo rupataua sanrapanji anging mammiri', sanrapang bayang-bayang allaloa, kammaminjo tallasa'na.

KATO'BA 1:2

Nakana anjo lapung Tau Assarea Pangngajarang: Yangasenna poro sia-sia siagang tena matu-matunna! Tena bua'-bua'na anjo tallasaka, tena ngaseng anggaranna.

KATO'BA 11:10

Pelaki ranggaselaya siagang susaya battu ri pa'mai'nu, saba' sinampe'ji allalo wattu rungkanu.