AYUB 10:7 - KITTA' MATANGKASA'

⁷ Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.

AYUB 10:7 Referans Kwoze

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

1 TESALONIKA 2:10

Matangkasaki, tojengi, siagang tena callanna katallassanna ikambe mae ri kau ngaseng, ikau matappakamo mae ri Almasi. Ikau ngasemmi siagang Allata'ala, a'jari sa'bina ikambe.

2 KORINTUS 1:12

Lompomi pa'mai'na ikambe lanri tappa'na ikambe, angkanaya sikamma apa nagaukanga ikambe ri anne linoa, la'biangampa pole nagaukanga ikambe mae ri kau ngaseng, akkullemi nagaukang ikambe siagang lambusu' pa'mai' kammayatompa ati maci'nong. Yangasenna anjo nagaukangi ikambe, teai lanri kacara'dekanna ikambe, mingka lanri pakkulle Napassareanga Allata'ala mae ri kambe.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

HOSEA 2:10

LaKusolarri ri dallekanna sikontu tanrinna. Na tena manna sitau battu ri ke'nanga akkulle allappassangi battu ri kakoasangKu.

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

PAMMUJI 50:22

Parhatikangi, ikau ngaseng takkaluppaya mae ri Allata'ala; tutuko, gassingka Kuposso' ngasengko, na tena ampasalamakko.

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PAMMUJI 7:3

Teaki' lappassangi ke'nanga sanrapang singa angkokkoka' siagang anre'resanga' na taena pannulungku.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

AYUB 42:7

Le'ba'na a'bicara Batara mae ri Ayub, Nakanamo Batara mae ri Elifas, “LarroA' ri kau siagang ruaya agannu, lanri teai apa sitojennaya nupau ri KalengKu. Mingka atangKu Ayub tena nakamma anjo.

AYUB 31:35

Tenaka tau ero' ampilangngeri kana-kanangku? Assumpa' angkana annaba ngasengi anjo kupaua. Dasi-dasi Napialia' Kaminang Koasaya. Ebara' angkana tuduhanna musua mae ri nakke nitulisi' ngasengi sa'genna kucini',

AYUB 31:14

Punna tena, antekamma bateku musti andallekang ri Allata'alaku? Apa pialingku punna battu sallang angngadelia'?

AYUB 31:6

Lappassamma' Natimbang Allata'ala irate ri timbangang annabaya, na laNaasseng angkana tena nakusala.

AYUB 23:10

Mingka Naassengi sikontu jappaku kammayatompa tunggala' dakkaku. Punna sanrapanga' bulaeng kuniuji, la'nyatami angkana ti'noki pa'maikku.

YOSUA 22:22

“Kaminang Makoasaya iamintu Batara! Kaminang Makoasaya iamintu Batara! Naassengi angkanaya apa saba'na nanagaukang ikambe anne passalaka, siagang ero' tongi ikambe sollanna nuasseng tongi anne passalaka. Ebara' angkana nagaukangi ikambe anne kammaya lanri ero'na ikambe angngewai Batara, yareka lanri tenanamo natappa' ikambe mae ri Ia, boli'mi kamma namate memang ikambe kamma-kamma anne!

AYUB 9:12

Punna anrampasaki, inai barani ampisangkai? Yareka barani akkuta'nang angkana, ‘He, apa Nupare'?’

AYUB 9:21

Tena kusala, mingka tena kujampangi. Lanrema' attallasa'. Untu' inakke tenamo parallu; tau salaya siagang tau annabaya, sangkammaji sarenna: rua-rua laNapanraki ngasengi Allata'ala.

AYUB 10:15

Punna a'gau' doraka', a'jari cilakami sarengku! Mingka punna tena callana panggaukangku, tuli nikana tonja' tau a'gau' dosa! Tena kubarani angngangkaki ulungku, lanri si'nai pa'maikku siagang tunai kusa'ring.

AYUB 11:4

Turu' ri panggappanu, tena nasala anjo kana-kanannu; turu' ri pikkirannu, tangkasakko ri dallekanNa Allata'ala.

AYUB 13:18

Sadiama' ampamajui parkaraku; tappaka', angkana tena kukkulle nisalakang!

AYUB 27:22

Nilissara'mi tanikamaseangnga, na tarpassa lari a'boya pa'la'langngang.

AYUB 32:1

Lanri tappa' duduna Ayub ri annabana kalenna, tenamo nappiali pole anjo tallua aganna.

AYUB 33:9

Nukana, ‘Tangkasakka', tena kasalang kugaukang. Tena callangku siagang tena kodi gaukku.

AYUB 40:8

Maka eroki nusassali kaadelangKu, nupattojeng kalennu nampa iNakke nusalakang?

AYUB 23:11

Majarreka' mannuruki mae ri Ia; tena kule'ba' ammengka battu ri oloang Napattantua.

YESAYA 43:13

sa'genna satunggu-tungguna tuli iNakke Allata'ala. Taniakka akkulle ta'lapassa' battu ri kakoasangKu, yareka akkulle anrompai rancanaKu.”

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.