AYUB 10:3 - KITTA' MATANGKASA'

³ Apa Kisawala' punna Kijallakkanga' kamma anne, siagang Kipela' bate pa'jari kalenTa? Apa Kisawala' punna Kiiyoang panggappana siagang rancanana tau ja'dalaka?

AYUB 10:3 Referans Kwoze

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

PAMMUJI 138:8

IKatte lanrupai janjinTa mae ri nakke; teaKi' ammari angngalle tindakang untu' ummatTa.

AYUB 14:15

Nampa laKikioka', kunampa lappiali todong; lamangngamaseangKi' ri nakke, tallasa' bate pa'jariTa.

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.

PAMMUJI 69:33

Nacini'na kammaya anjo, rannumi tau nijallakkanga, lompomi pa'mai'na tau anynyombaya ri Allata'ala.

AYUB 40:8

Maka eroki nusassali kaadelangKu, nupattojeng kalennu nampa iNakke nusalakang?

AYUB 22:18

Nampa Allata'alaja le'ba' ampa'jari kalumanynyangi ke'nanga! Tena tojeng nakupahangi batena appikkiri' tau salaya pikkiranna!

AYUB 21:16

Sai lanri kagassinganta tonji bawang, nanigappa sikontu erotta siagang pattujunta?’ Mingka tena sikali kusituju ri pikkirang siagang panggappa kammaya anjo.

AYUB 9:24

Napassareangi Allata'ala buttaya mae ri tu dorakaya, siagang Napa'jari buta ngasemmi sikamma hakinga. Kammaminjo Nagaukang ngaseng Allata'ala, punna tena naIa, inai pole anggaukangi kammaya?

AYUB 8:20

Mingka Allata'ala tale'bakai Nabokoi tau jarreka tappa'na, tale'baka tongi Natulung tau dorakaya.

AYUB 10:8

Inakke anne bate pare' limanTa', masa' laKipanrakia' kamma-kamma anne?

AYUB 16:11

Napassareanga' Allata'ala mae ri tau dorakaya; Natu'guranga' antama' ri limanna tau kodi sipaka.

AYUB 19:6

Assengi angkanaya inakke Nasessa' Allata'ala, siagang Najakkalaka' lalang ri sikko'Na.

AYUB 30:21

PallakKi' mae ri nakke, Kijallakkanga' siagang sikontu kagassinganTa.

AYUB 31:15

Sai Allata'ala ampa'jaria', na Ia todong ampa'jari sikamma anjo atangku?

AYUB 33:4

RohNa Allata'ala ampa'jaria' siagang assarea' tallasa'.

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

AYUB 15:13

larroko mae ri Allata'ala siagang nubali-bali.