AYUB 10:18 - KITTA' MATANGKASA'

¹⁸ Angngapa Kilappassanga' lassu' ri lino? Bajikangngang matema' ri tenanapa nacinikka' taua!

AYUB 10:18 Referans Kwoze

MATIUS 26:24

Mingka lamate memang tonji Ana' Ma'rupataua, kamma le'ba' tattulisika lalang ri Kittaka. Mingka cilakami anjo tau eroka ambalukangi Ana' Ma'rupataua! Bajikangngangi punna sikali tena nale'ba' nilassukang anjo tau kammaya.”

YEREMIA 15:10

Tojeng, inakke siala' memang tonga'. Untu' apa nanalassukanga' anrongku? Tunggala' tau niaka ri anne pa'rasanganga kuagang ngasengi a'besere' siagang a'gea'. Manna kutale'baka appapiinrang yareka angnginrang, mingka nitunraia ri sikontu taua.

AYUB 14:10

Mingka punna mate rupataua, la'busu'mi riwaya'na; nabokoimi linoa, nampa kemae lampana?

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

AYUB 10:19

Jari sangkamma' kusa'ring tau tale'ba' nilassukang, saba' lalangija' ri battanna ammakku kunitarawammo.

PAMMUJI 71:6

Lalang sikontu tallasakku tanjenga' mae ri Katte; iKatte anjagaia' battu ri nilassukangku nakutuli mammuji mae ri Katte.