AYUB 10:15 - KITTA' MATANGKASA'

¹⁵ Punna a'gau' doraka', a'jari cilakami sarengku! Mingka punna tena callana panggaukangku, tuli nikana tonja' tau a'gau' dosa! Tena kubarani angngangkaki ulungku, lanri si'nai pa'maikku siagang tunai kusa'ring.

AYUB 10:15 Referans Kwoze

YESAYA 3:11

Mingka cilakai tau ja'dalaka! Lanihukkungi ke'nanga kamma nigaukanga mae ri tau maraenga.

AYUB 9:15

Manna tena nakusala, apa kulleku, pantaranganna appalaka pangngamaseang battu ri Allata'ala Hakingku?

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

PAMMUJI 25:18

Kiparhatikangi sessaku siagang kasukkarrangku, siagang Kipammopporangi sikontu dosaku.

AYUB 10:7

Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.

LUKAS 17:10

Ikau kamma ngaseng tongko anjo. Punna le'ba'mo nugaukang sikamma nipassuroanga ri kau, angkana mako bawang, ‘Inakke poro palayang biasaja'; inakke poro a'matu-matukuji bawang ri jama-jamangku.’ ”

PIRAUNG 1:20

O Batara, Kiparhatikanga', lussaki na puccala' atingku, ancuruki lanri dorakaku le'ba' laloa. Ri sikamma aganga nia' pammunoang, lalang balla' nia' kamateang.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

PAMMUJI 119:153

Kiciniki pa'risikku siagang Kipasalama' laloa', saba' tena nakubalang parekangi hukkunTa.

PAMMUJI 9:17

Napa'nyatami KalenNa Batara lanri adele'na kaputusanNa. Loposoki tu ja'dalaka lanri panggaukang kalenna tonji.

AYUB 27:7

Dasi-dasi nanihukkung musungku sangkamma tau doraka, na niballassi balingku sangkamma tau kodi sipa'.

AYUB 23:15

Lanri mallakku ri Ia, nakuannekkere'mo; pila' kunawa-nawana ngaseng anjo kammaya, pila' malla'ma'.

AYUB 21:6

Punna kunawa-nawa anne tallasakku annekkere'ma' lanri malla' duduku.

AYUB 9:29

Jari punna kamma, apa kujampangi?

AYUB 9:12

Punna anrampasaki, inai barani ampisangkai? Yareka barani akkuta'nang angkana, ‘He, apa Nupare'?’

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

AYUB 6:29

Teako a'gau' tenai naadele', angngu'rangiko! Teako callaia', ma'nassa tena tojeng kusala.

PAMMUJI 83:16

Ondangi ke'nanga siagang anging lompoTa, pabangkai ke'nanga siagang anging puttusutTa.

PAMMUJI 44:16

Sila'busu' alloa' nicalla, angkasiaki sirika siagang kapala' rupaya,