AYUB 10:14 - KITTA' MATANGKASA'

¹⁴ Kijannangngia' gassingka appareka' kasalang sollanna tena Kiero' ampamopporanga'.

AYUB 10:14 Referans Kwoze

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

PAMMUJI 130:3

Punna tulusu' Kiu'rangi dosana ikambe, o, Batara, inai lakkulle attahang?

PAMMUJI 139:1

Untu' pamimping pakelong. Pammuji battu ri Daud. O, Batara, iKatte antarrusia' siagang angngassenga'.

PAMMILANGNGANG 14:18

‘INakke, Batara, tena Kulinta' larro. Kupappicinikangi pangngamaseangKu siagang tamamminraKu malla'bi-la'bia. Kupammopporangi tau dorakaya siagang tau angngewayA'. Mingka manna nakamma, kasalanna tau toaya laKubalasaki mae ri ana'-ana'na siagang cucu-cucunna, sa'genna jari-jari lapisi' makatalluna siagang makaappa'na.’

KALAPPASSANG 34:7

Tuli mangngamaseangKu mae ri assa'bu-sa'bu lapisi'na turunang siagang Kupammopporangi kasalanga siagang dosaya; mingka sikamma tau salaya tena sikali nakkulle ta'lappasa' battu ri hukkungangKu, ba'lalo manna ana' cucunna sa'genna lapisi' makatallua siagang makaappaka anjo tau dorakaya takkulleai ta'lappasa' battu ri hukkungangKu.”

AYUB 14:16

Nampa laKijannangngi sikontu dakka-dakkaku, mingka tenamo Kiparhatikangi dosaku.

AYUB 7:20

He Pajagaku, apaka rugiKi' lanri dosaku? Angngapa na inakke Kipare' pallio-lio ri panaTa? Battala' sikalika dosaku antujuKi'?

AYUB 33:9

Nukana, ‘Tangkasakka', tena kasalang kugaukang. Tena callangku siagang tena kodi gaukku.

AYUB 34:22

Tena nikana sassang, manna pole antekamma pakka'na, akkulle ancokkoi tau dorakaya.

PAMMUJI 90:8

Kipadongkoki kasalanna ikambe ri dallekanTa, dosa taccokkona ikambe Kicini' ngasengi.

YEREMIA 16:17

Kuciniki sikontu apa nagaukanga ke'nanga. Tena nia' kacokkoang mae ri Nakke; Kucini' ngaseng tommi dosa-dosana ke'nanga.