AYUB 10:1 - KITTA' MATANGKASA'

¹ Lanrea' siagang erokka' ta'langnge kukasia' ri tallasakku, nakupasulu' ngasemmo pa'risi'na nyawaku.

AYUB 10:1 Referans Kwoze

AYUB 7:11

Lanri kammana anjo takkullea' a'mereki! Takkulleai kuboli' pa'risikku siagang pacceku. Musti kusungkei bawaku, siagang kupasulu' bone atingku.

1 KARAENG-KARAENG 19:4

nampa a'jappa bangkeng ri parang lompoa siallo bujuru', nampa ammantang irawanganna se'rea poko' kayu copponga leko'na. Ammempomi anjoreng, naerokangngammi nasa'ring matea. Nakanamo ri Batara, “Tenamo kutahangi, Batara Kialle lalomi nyawaku. Tena na kubajikangngang naboe-boeku!”

PAMMILANGNGANG 11:15

Punna tuli nipakamma' anne Batara, Kikamaseanga'; bajikangngang bunoma' linta' sollanna tenamo nakukasiaki anne kasessang kammaya.”

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

AYUB 9:21

Tena kusala, mingka tena kujampangi. Lanrema' attallasa'. Untu' inakke tenamo parallu; tau salaya siagang tau annabaya, sangkammaji sarenna: rua-rua laNapanraki ngasengi Allata'ala.

AYUB 5:20

Punna battu kacipuranga, tena nulamate cipuru'. Punna kajariang bundu' appakamallaka, amangko battu ri kamateanga.

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”

YESAYA 38:17

Pacceku tappinrai a'jari kasannangang, iKatte ampasalamaka' battu ri bahayaya; Kipammopporangi sikamma dosa-dosaku.

YESAYA 38:15

Apa akkulle kupau? Anne gau'Na Batara; takkullea' attinro lanri si'na.

AYUB 19:4

Ebara' angkana sala panggaukangku, tena olona ikau ngaseng lanapakarugi.

AYUB 14:13

Cokkoma' lalang ri linona tau matea; jagaia' sa'genTa tenamo Kilarro. Mingka Kipattantu wattunna untu' Kiu'rangia'.

AYUB 7:16

Mangngamma' siagang lanrema' attallasa'; erokka' mate! Lappassamma' mange, saba' tenamo anggarangku attallasa'.

AYUB 6:26

Sikontu kana-kanangku nupare' anginji bawang; tena matu-matunnu ampialia' anne, tau tappu' minasayamo.