AYUB 1:8 - KITTA' MATANGKASA'

⁸ Nakanamo Batara, “Apaka nuparhatikangi atangKu Ayub? Ri sikontu linoa, tena tau sangkammanna baji' pa'mai' siagang majarre'na tappa'na. Anynyombai mae ri Nakke, siagang tena sikali na'gau' kodi.”

AYUB 1:8 Referans Kwoze

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

YESAYA 1:16

Bissaimi kalennu sa'genna tangkasa'. Pammari ngasengi anjo sikamma kaja'dallang nugaukanga. Iyo, tea mako a'gau' ja'dalli pole,

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

AYUB 8:20

Mingka Allata'ala tale'bakai Nabokoi tau jarreka tappa'na, tale'baka tongi Natulung tau dorakaya.

2 KARAENG-KARAENG 23:25

Tena le'bakai nia' karaeng sangkamma Yosia, attojeng-tojenga ri pa'mai'na anynyomba mae ri Batara, siagang napa'nyatami anjo lalang ri carana attallasa' siagang appanggaukang, situru' sikontu hukkung niaka tattulisi' lalang ri kitta'na Musa. Manna ri tenanamo Yosia, tena tommo karaeng sangkammanna.

PAMMUJI 84:11

Bajikangngangi sialloa ri BallatTa nasisa'bu allo ri tampa' maraenga. Kualleangangi a'jaria pajaga ri pakke'bu' lompona Balla'Na Allata'alaku naia ammantanga ri balla' tau ja'dalaka.

PAMMILANGNGANG 12:3

Anjo Musa tau sanna' tuna pa'mai'na, tena sangkammanna ri sikontu tau attallasaka ri anne linoa.

YESAYA 42:1

Nakana Batara, “Iaminne atangKu Kururunganga, tunipileKu appakasannanga ri atingKu. Le'ba'mi Kusare koasaKu, untu' angngerang kaadelang mae ri tunggala' bansaya.

PAMMUJI 18:23

Sikontu hukkunNa kuparhatikangi, tena kukaluppai sikamma parentaNa.

AYUB 34:14

Ebara' angkana Naallei Allata'ala nyawana rupataua, siagang Naalle ammotere' nappasa' tallasa'na,

AYUB 12:4

Nikakkalia' ri agangku siagang belaku, nampa inakke anne annaba' siagang tena callaku. Riolo Napiali Allata'ala pappala' doangku punna akkioka' appala' bantuang.

YOSUA 1:7

Iaji bawang, paralluko tappa' tojeng-tojeng siagang barani. Musti nujagai sollanna tuli nuturuki sikontu hukkung napassareanga anjo atangKu Musa mae ri kau; teako kaluppai manna sike'de', sollanna a'jari usahanu.

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

YEHEZKIEL 40:4

Nakana anjo tau bura'nea ri nakke, “He tau, pilangngeri baji'-baji' siagang parhatikangi sikontu apa kupappicinikanga mae ri kau, nasaba' lanri kammanami anjo nanierangko mae anrinni. Pauangi bansa Israel sikontu anjo apa nucinika.”

PAMMUJI 89:20

Riolo dudu lalang se're so'na, Kikana mae ri ata tamamminraTa, “Le'baki Kutulung se'rea tubarani, se'rea tule'ba' Kupile battu ri ra'ya', Kupakatinggimi.

PAMMUJI 37:27

Bokoi kaja'dallanga, gaukangi bajika, na untu' satunggu-tungguna napammantangngi turungannu anjo buttaya.

PAMMUJI 36:1

Untu' pamimping pakelong. Battu ri Daud, atanNa Batara.

PAMMUJI 34:14

Teako appasuluki kana-kana ja'dala', siagang teako nungai akkala' annipua.

NEHEMIA 5:15

Sikamma guburnur rioloangnganga nainakke, nabattalli ra'yaka lanri natuntuki ke'nanga battu ri ra'yaka 40 jaina doe' pera' lalanna siallo untu' kanre siagang anggoro'na ke'nanga. Ba'lalo, manna pagawe-pagawena ke'nanga najallakkang tonji ra'yaka. Mingka inakke taeroka' appakamma lanri mallaka' ri Allata'ala.

YOSUA 1:2

Nakana Batara, “Matemi atangKu Musa. Jari baji'mi punna apparuru mako siagang sikontu umma' Israel kamma-kamma anne, untu' a'limbang ri Binanga Yordan, siagang ampantamakki pa'rasangang Kupassareanga mae ri ke'nanga.

AYUB 2:1

Andallekammi pole ri Batara sikamma apa attallasaka ri suruga, na nia' todong lapung Panggoda ri alla'na ke'nanga.