AYUB 1:6 - KITTA' MATANGKASA'

⁶ Ri se'reang allo battumi sikamma apa attallasaka ri suruga andallekang ri Batara; na nia' todong lapung Panggoda ri alla'na ke'nanga.

AYUB 1:6 Referans Kwoze

AYUB 2:1

Andallekammi pole ri Batara sikamma apa attallasaka ri suruga, na nia' todong lapung Panggoda ri alla'na ke'nanga.

AYUB 38:7

ri wattu akkelong sikamma bintoeng bari'basaka siagang akkio' rannu sikamma apa attallasaka ri suruga?

ZAKHARIA 3:1

Lalang ri paccini' maraengannaya pole, Napappicinikangi Batara mae ri nakke Imang Malompoa Yosua, sitabanga ammenteng ri dallekanna malaeka'Na Batara. Ri sa'rinna Yosua, niaki Setanga sadia untu' antudui kalenna Yosua.

1 KARAENG-KARAENG 22:19

Nakanamo pole Mikha, “Kamma-kamma anne pilangngeri apa Napaua Batara! Kuciniki Batara ammempo ri empoang kala'biranNa ri suruga, siagang sikontu malaekaka ammentengi ri ampi'Na.

1 PATTOTTORANG 21:1

Eroki billisika ancilakai tu Israel; lanri kammana nanyonyo'mi Daud sollanna nasuro bilang taua.

PA'JARIANG 6:4

Ri anjo jammanga siagang ri le'ba'na anjo, nia' tau sannaka lompona ngaseng kalenna ri lino. Anjo ke'nanga ana'-ana' battu ri sikamma anjo tulolo a'buntinga siagang rewata-rewataya. Anjo tau lompoa ngaseng kalenna masahoroki niasseng siagang iami pahlawang-pahlawang lompo ri jammang riolo.

YOHANES 6:70

Appialimi Isa Nakana, “Sai sampuloko anrua Kupile? Mingka nia' sitau ri kau a'jari setang!”

MATIUS 18:10

“Tutuko! Tea' laloko hinai kalase'renna anne tau ca'di kammaya. Nasaba' u'rangi angkanaya, tuli niaki malaeka'na ke'nanga ri dallekanNa ManggeKu ri suruga. [

PAMMUJI 103:20

Pujimi Batara, he malaeka'-malaeka' gammaraka, ampilangngeriai siagang anggaukangai parentaNa.

PA'JARIANG 6:2

nicini'mi ri sikamma rewataya angkanaya ga'ga-ga'ga ngasengi anjo tuloloa. Jari nabuntingimi ke'nanga anjo tulolo massing nangaia ke'nanga.

DANIEL 3:25

Appialimi karaenga angkana, “Mingka angngapa naappa' tau kucini' a'jappa-jappa ri tangnga-tangngana anjo pepeka? Tena sikali natassikko' ke'nanga siagang tena nangngapa-apa. Siagang anjo tau makaappaka tanja'na sangkammai rewata.”

LUKAS 22:31

Nakanamo Isa mae ri Simon, “O Simon, o Simon, pilangngeri sai! Nikellaimi Billisika anso'ri ngasengko. Sangkamma punna nipasisa'la' asea siagang awanna, kamma tomminjo lanipasisa'laki bajika siagang kodia.

2 PATTOTTORANG 18:20

Kala'busanna nia' ammumba ri dallekang se're roh. A'reppeseki mae ri Batara nampa nakana, ‘Inakkemi lanynyonyoki.’ Akkuta'nammi Batara angkana, ‘Antekamma batena?’

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”