AYUB 1:17 - KITTA' MATANGKASA'

¹⁷ Tenapa nale'ba' a'bicara anjo taua, nania' tommo battu ata makatallua ampabattui angkana, “Nia' tallung pa'gompoang pasukang paella' tu Kasdim battu anrampasaki sikamma untata siagang nabuno ngaseng sikamma atanta. Inakke mami anne atanta ta'lappasa', sa'gengku akkulle battu a'laporo' mae ri katte.”

AYUB 1:17 Referans Kwoze

PA'JARIANG 11:28

Ri wattunna attallasa' ija manggena, matemi Haran ri pa'rasanganna, iamintu ri Ur ri Babilonia.

HABAKUK 1:6

Bansa Babel sekkeka siagang pallaka laKupa'jari bansa makoasa. A'barrisiki ke'nanga assulu' battu ri pa'rasanganna nampa najappai sikontu linoa untu' ambetai bansa-bansa maraenga.

YESAYA 23:13

Teai bansa Asyur, passangalinna bansa Babel allappassangi olo'-olo' sekkeka angkoasai Tirus. Iatommi ke'nanga ampaentengi sikamma menara untu' nipake antammulili balia, anruntungi sikamma benteng pattahanganna siagang ampa'jari rumbangangi anjo kotaya.)

2 SAMUEL 1:3

Akkuta'nammi Daud ri ia angkana, “Battu kemaeko?” Appialimi angkana, “Lappasaki atanta battu ri pakkemaanna tu Israel.”

PA'JARIANG 11:31

A'lampai Terah ambokoi kota Ur ri Babilonia siagang Abram ana'na, Lot cucunna, siagang Sarai mintunna iamintu bainenna Abram. Eroki a'lampa mange ri Kanaan. Mingka ri wattunna battu ri Haran, ammantammi ke'nanga anjoreng.

AYUB 1:18

Lalang a'bicarana ija anjo taua, battumi pole atanna maraenga angngerang kabara' angkana, “Sitabangi ana'-anatta appare' pa'gaukang ri balla'na ana' toata.

YEHEZKIEL 23:23

LaKupa'rappungi siagang laKuerangi mae ri kau sikamma tanrinnu battu ri Babel, Pekod, Soa, Koa Asyur, kammayatompa tu Kaldea. Kuerang tongi mae ri kau sikamma tu bura'ne gammaraka siagang tinggia pangka'na, bija karaenga, pagawe-pagawe tinggia, siagang perwira-perwira pasukang a'jaranga.