AYUB 1:14 - KITTA' MATANGKASA'

^14-15 Ti'ring nia'mo suro battu lari mae ri balla'na Ayub na napabattu angkana, “O, karaeng, niaki battu tu Syeba ambakkai ikambe ri wattunna sitabang nipake appa'jeko sikamma sapia siagang sitabanna a'ruku' sikamma keledaia ri ampi'na. Narampasa' ngasemmi ke'nanga sikontu anjo olo'-oloka, siagang nabunomi sikamma atanta niaka anjoreng. Inakke mami anne atanta ta'lappasa' sanggengku akkulle battu a'laporo' mae ri katte.”

AYUB 1:14 Referans Kwoze

YEREMIA 51:31

A'le'basa'-le'basa'mi lari tunisuroa mange ampauangi karaeng Babel angkanaya nibundukimi kotana battu ri kere-keremae.

2 SAMUEL 15:13

Nampa nia'mo sitau angngerang kabara' siagang a'laporo' mae ri Daud angkana, “Sikamma tu Israel agang maemi ri Absalom.”

1 SAMUEL 4:17

Appialimi anjo tungngeranga kabara' angkana, “Larimi tu Israel ambokoi tu Filistin. Nibeta lompoki'. Jai tau mate. Anatta ruaya, iamintu Hofni siagang Pinehas, mate tommi. Nampa Patti ParjanjianNa Allata'ala nirampasa'mi ri musua!”

AYUB 1:13

Siapa are wattu ribokoanganna, sitabangi ana'-ana'na Ayub appare' pa'gaukang ri balla'na daenna kaminang toaya.

AYUB 39:10

Maka akkullei nusikko' nampa nupassai ampa'jekoangko? Maka akkullei nusuro angkaerangko kokonnu?