AYUB 1:10 - KITTA' MATANGKASA'

¹⁰ Ia, bone balla'na, siagang sikontu kakalumanynyanganna tuli Kijagai. Jama-jamanna Kibarakkaki siagang Kisarei jai olo'-olo' katuo angganaka untu' sikontu pa'rasanganga.

AYUB 1:10 Referans Kwoze

PAMMUJI 34:7

Tu cilakaya akkioki siagang appialimi Batara, nilappassammi battu ri sikontu kasukkarranna.

ZAKHARIA 2:5

Le'baki a'janji Batara angkanaya Ia KalenNa la'jari tembo' pepe' antammulili anjo kotaya untu' alla'langngi. Siagang Ia lammantang anjoreng lalang sikontu koasa siagang kalompoanNa.”

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

PANGNGEBARANG 10:22

Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

ZAKHARIA 2:8

Inai-nai ampitabaiko lima, iami ampitabai lima ana' nikarimangngingKu.” Na Nasuroma' Batara Kaminang Koasaya ampabattui anne pasanga mae ri bansa-bansa le'baka angngellaki umma'Na, angkana,

AYUB 31:25

yareka kupattampoang kakalumanynyangangku.

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.

PAMMUJI 90:17

O, Batara Allata'alana ikambe, Kibarakkaki ikambe, sollanna angngerang wassele' sikamma jama-jamanna ikambe.

PAOLE 7:13

LaNakamaseangko siagang laNabarakkakiko, sa'genna a'jari jai ana'nu na pila' katambang jainu. LaNabarakkaki sikamma kokonnu, sa'genna angngerang wassele' gandung, anggoro' siagang minynya' zaitun. LaNabarakkakiko sa'genna a'jari jai sapinu, bembenu siagang gimbala'nu. Sikontu anjo barakkaka lanutarimai ri pa'rasangang Napassareanga Batara mae ri kau, situru' janjinNa mae ri boe-boenu.

PA'JARIANG 26:12

Appakioro'mi bine siagang a'lamung-lamummi Ishak anjoreng ri pa'rasanganga. Nanggappamo wassele' a'lappi sibilangngang battu ri apa napakioroka, lanri nibarakkakinna ri Batara.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YESAYA 5:2

Nabingkungi buttana, na napela' batu-batunna. Nalamungi anggoro' nipile nambangung balla' tinggi pa'jagang. Angngekei se're kali'bong tampa' pammaccokang anggoro'na, nampa attayang rappo ti'noka, mingka kacci wassele' rappo anggoro'na.

1 SAMUEL 25:16

Allo bangngi ke'nanga anjagai ikambe baku'na ikambe akkalawaki bembe siagang gimbala' ri ampi'na ke'nanga.

PAOLE 33:27

Allata'ala latuli angngalleiko; limanNa mannannunganga a'jari pattumpa'nu. Nabongkai musua battu ri dallekannu, Nasuroko angngancuruki sikontu balia.

PAMMUJI 71:21

LaKipa'jaria' la'bi la'biri', siagang Kisaleoria' ammotere'.

AYUB 42:12

Nibarakkakimi Ayub ri Allata'ala la'bi-la'biangngang pole lalang sesa tallasa'na, na ri tenanapa nale'ba' nituju ri bala. Nia' napatang Ayub barang-barang: 14.000 kayu gimbala', 6.000 kayu unta, 2.000 kayu sapi, siagang 1.000 kayu keledai.

PA'JARIANG 49:25

Allata'alana manggenu antulungko; Kaminang Koasaya ambarakkakiko siagang je'ne' bosi battu ri langi' na je'ne' battu rawa ri butta. Siagang ana' kammayatompa sapi,

PA'JARIANG 30:43

Kammaminjo na'jari sanna'mo kalumanynyanna Yakub. Jai sikalimi bembena, gimbala'na, untana, keledaina, siagang tunisuro-surona.

PA'JARIANG 30:30

Ri tenanapa kubattu tena nasiapa barang-baranta, mingka kamma-kamma anne kalumanynyang maki' purina. Nabarakkaki maki' Batara lanri inakke. Kamma-kamma anne narapi'mi wattunna sollangku anjama untu' kalenna kaluargaku.”

PAMMUJI 80:12

Tangke ca'dina a'la'baki sa'genna mange ri Tamparang Tangngaya, pucu'-pucu'na narapiki Binanga Efrat.

PAMMUJI 5:12

Poro rannu pa'mai' ngaseng tu ma'la'langa ri Katte na tuli ma'reja-reja satunggu-tungguna. La'langi sikamma tu mangngaia ri Katte, sollanna rannu ke'nanga lanri iKatte.

AYUB 29:6

Jai sikali dadi' wassele' olo'-olo' piaraku. Jai minynya' wassele'na poko'-poko' zaitunku, manna nanjoreng ri butta jaia batunna nilamung.

PAOLE 33:11

O Batara, Kitulungi anne sukua sollanna kassa', sollanTa sannang mae ri apa nagaukanga ke'nanga. Ancuruki sikontu musunna ke'nanga; panraki sa'genna satunggu-tungguna.”

PA'JARIANG 39:5

Appakkaramula anjo wattua, passabakkang Yusuf, nibarakkakimi bone balla'na anjo tu Mesirka kammayatompa sikontu barang-baranna, baji' niaka lalang balla' kammayatompa niaka ri kokoa.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

AYUB 29:2

“Dasi-dasi nakkulle kamma ammotere' riolo tallasakku, ri wattungku Najagai Allata'ala.