AYUB 1:1 - KITTA' MATANGKASA'

¹ Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

AYUB 1:1 Referans Kwoze

YAKOBUS 5:11

Nigallara'mi ke'nanga tau sunggu, lanri sa'bara'na ke'nanga. Nulangngere' tommi kasa'barranna Ayub, siagang nuasseng tommi antekamma batena nibarakkaki ri Batara, ri kale'bakkanna. Nasaba' teai sipato' baji' pa'mai'Na siagang lompo pangngamaseanNa Batara.

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

YEHEZKIEL 14:20

Siagang manna pole nania' anjoreng ammantang Nuh, Danel siagang Ayub, mingka lanri iNakke, Allata'ala mattallasaka, Batara Kaminang Tinggia, takkulleai ke'nanga ampasalamaki manna pole inai battu ri ke'nanga, ba'lalo manna ana' kalenna ke'nanga takkulle napasalama'. Poro kalennaji bawang ke'nanga salama', lanri kabajikanna ke'nanga.”

AYUB 28:28

Nakana Allata'ala ri rupataua, ‘Punna ero' nugappa kacara'dekanga, musti nupakalompoi Allata'ala. Punna erokko ammahang, musti nupakabellai kaja'dallanga.’ ”

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”

AYUB 1:8

Nakanamo Batara, “Apaka nuparhatikangi atangKu Ayub? Ri sikontu linoa, tena tau sangkammanna baji' pa'mai' siagang majarre'na tappa'na. Anynyombai mae ri Nakke, siagang tena sikali na'gau' kodi.”

PA'JARIANG 6:9

Iaminne riwaya'na Nuh. Nia' ana'na tallu bura'ne, iamintu Sem, Yafet siagang Ham. Tena nagaukangi Nuh panggaukang salaya, siagang kale-kalenna bawang tau baji' ri anjo jammanga. Sibajiki sikali siagang Allata'ala lalang tallasa'na.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

PA'JARIANG 22:12

Nakanamo Batara tete ri anjo malaekaka, “Teako pa'risi antu anaka yareka teako apa-apai. Kamma-kamma anne Kuassemmi angkanaya nupakalompoA' siagang mannurukiko ri Nakke, nasaba' tena nanutollaki untu' ampassareangi ana' sitau-taunu mae ri Nakke.”

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PIRAUNG 4:21

He bansa Edom siagang Us, ammakkala' mako, rannu mako lalang nukullena! Balaya labattu tongi mae ri kau na lanusolarri kalennu lanri nasa'ringko.

PANGNGEBARANG 16:6

Tau tenaya namminra nyawana mae ri Allata'ala lanipammopporangi; tau mappilangngeria lanipalili battu ri sikontu kaja'dallanga.

2 KARAENG-KARAENG 20:3

“O Batara, Kiu'rangi laloi angkanaya le'ba'mi kupare' ata kalengku mae ri Katte, majarreka' siagang tulusuki pa'maikku mae ri Katte. Tuli kuusahai anggaukangi apa Kikaerokia.” Nampa angngarru' Hizkia sanna' si'nana nasa'ring nyawana.

1 PETRUS 3:11

Musti napakabellai kalenna battu ri kaja'dallanga nanagaukang kabajikanga; parallui appattujuang tojeng-tojeng untu' anggappai passiamakkanga.

1 PATTOTTORANG 1:17

Ana'-ana' bura'nena Sem iamintu: Elam, Asyur, Arpakhsad, Lud, Aram, Us, Hul, Geter, siagang Mesekh. Iaminne ke'nanga boe-boena bansa-bansa niarenga situru' arenna ke'nanga.

KALAPPASSANG 18:21

Mingka pantaranganna anjo musti ammileko siapa are tu bura'ne cara'deka, nampa nuangka' ke'nanga a'jari pamimping mae ri sisa'bu tau, sibilangngang tau, limampulo tau, siagang sampulo tau. Anjo ke'nanga musti tau malla' siagang mannuruki ri Allata'ala, akkullei nipatappa' siagang taerokai annarima doe' pammuccu'.

PA'JARIANG 36:28

Disyan, iami boe-boena turunganna: Us siagang Aran.

PA'JARIANG 10:23

Sossoranna Aram iami a'jari pandudu' ri Us, Hul, Geter, siagang Mas.

PA'JARIANG 42:18

Ri makatalluna alloa nakanamo Yusuf ri ke'nanga, “Inakke tau mallaka' siagang tau mannurukia' ri Allata'ala. Lakulappassangko, mingka nia' se're sara'na.

PAOLE 18:13

Jari paralluko ampa'jari atai kalennu mae ri Karaeng Allata'alanu siagang sikontu pa'mai'nu.”

AYUB 4:6

Sai jarreki tappa'nu mae ri Allata'ala; sai tena callanna tallasa'nu? Punna kamma, siratanna tappakko siagang tena nutappu' minasa.

AYUB 9:21

Tena kusala, mingka tena kujampangi. Lanrema' attallasa'. Untu' inakke tenamo parallu; tau salaya siagang tau annabaya, sangkammaji sarenna: rua-rua laNapanraki ngasengi Allata'ala.

PANGNGEBARANG 3:7

Teako nanukana kalennu la'bi cara'dekangangko na sitojennaya; turuki Batara siagang pakabellai kalennu battu ri ja'dalaka.

PANGNGEBARANG 14:2

Tau lambusuka mallaki siagang mappakala'biriki ri Karaeng Allata'ala; tau tenaya nalambusu' ri tallasa'na nahinaI.

PANGNGEBARANG 14:16

Tau bajika akkala'na tutui na bella battu ri kaja'dallanga, tau dongoka lintaki nai' larrona, nampa amang nasa'ring.

PANGNGEBARANG 16:17

Tau bajika napakabellai kalenna battu ri kaja'dallanga; tau amparhatikangai batena attallasa', najagai kalenna.

PANGNGEBARANG 20:7

Ana'-anaka upaki punna nia' manggena mabajika siagang malambusuka ri tallasa'na.