AMOS 9:13 - KITTA' MATANGKASA'

¹³ Nakana Batara, “Lanarapiki wattunna nasanna' linta'na timbona gandunga sa'genna tena tappu'na akkatto taua. Poko' anggoroka lasanna' copponna batena attimbo sa'genna tulusu' appare'na taua je'ne' anggoro'. Je'ne' anggoroka lammattiki battu ri sikamma buluka siagang assolongi battu ri sikamma bontoa.

AMOS 9:13 Referans Kwoze

YO"EL 3:18

Ri anjo wattua sikamma monconga larassi koko anggoro'. Olo'-olo' niparakaia langnganrei ruku' ri bulu'-bulu' copponga. Sikamma binangaya ri Yehuda tena le'bakai lala'busu' je'ne'na. Se're binanga lassolong battu ri Balla'Na Batara, na nabasai Ka'bung Akasia siagang je'ne' nyamang.

YOHANES 4:35

Nukana ngaseng, ‘Patambulang mami nawattu pakkattoanga.’ Mingka Kukana ri kau: Cinikimi tana-tana didiamo asenna, sadiami lanikatto!

YESAYA 55:13

Poko' camaraya lassambeangi rompo' katintinga bunga-bunga ansambeangi sikamma rompo'-rompoka. Kajariammi anjo kammaya sollanna masahoro' arengKu; a'jari pammatei mannannungang tenaya nalatappela'.”

KAIMANGNGANG 26:5

Lalla'bi-la'bi wassele'na buttanu, sa'genna akkatto ijako gandung, nanarapi'mo sedeng wattu pangngalleanna rappo anggoroka. Siagang punna narapi'mo wattunnu la'lamung gandung, tenapa nule'ba' angngalle ngasengi rappo anggoro'nu. Lagannaki kanre-kanreannu siagang lasalewangangi tallasa'nu lalang ri pa'rasangannu.

YEHEZKIEL 36:35

Jari sikontu taua la'jari lannasaki lanri anjo butta rosoka sumpaeng, kamma-kamma anne a'jarimi koko Eden; siagang kota-kota sinoa riolo, ancuruki siagang a'jari loromi, kamma-kamma anne a'jarimi kota-kota kassa' pattahanganna siagang jai pandudu'na.

YO"EL 3:20

LaKupa'balassangi cera'na ke'nanga assolonga, inai ambunoi ke'nanga laKute'baki. Mingka pa'rasangang Yehuda siagang Yerusalem tuli lania' bonena, siagang Bulu' Sion tuli laKupammantangngi.”

PAMMUJI 97:5

Assolongi sikamma monconga sanrapang liling ri dallekanNa Batara, ri dallekanNa Batara, sikontu makoasaya ri sikontu linoa.

HAKING-HAKING 5:5

Ta'ge'goso'mi moncong-monconga ri dallekanNa makoasaya ri Sinai Ri dallekanNa Batara, Allata'alana Israel.

AMOS 9:5

Ta'goccangi buttaya siagang susai pandudu'na, lanri niseroi ri Batara Kaminang Tinggia siagang Kaminang Koasaya. Rapang Binanga Nil nai' naung je'ne'na, kammami anjo lanaiki ke'nanga nampa tu'guru'.

PA'JARIANG 49:11

Ana' keledaina nipaukang ri poko', poko' anggoro' mabajika. Anggoro' lanapasassa ri pakeanna, anggoro' eja sanrapang cera'.

YESAYA 16:10

Tena manna sitau rannu ri sikamma anjo koko copponga. Tenamo manna sitau akkio' rannu yareka akkelong-kelong ri koko anggoroka. Tena tau ammacco' anggoro' untu' appare' je'ne' anggoro'. Kupammarimi kio' rannuna ke'nanga.

YEHEZKIEL 28:26

Lattallasaki ke'nanga siagang amang anjoreng, siagang ambangung balla' siagang appareki koko-koko anggoro'. LaKuhukkungi sikamma bansa singngampi'na ke'nanga le'baka anghinai ke'nanga sa'genna a'jari amang Israel. Na naassemmi ke'nanga angkanaya iNakke Batara.”

YO"EL 2:24

Jari nia'mo pole gandung lambonei panggilinganga; anggoroka siagang minynya' zaitunga lalla'bi battu ri tampa' pammaccokanga.