AMOS 8:10 - KITTA' MATANGKASA'

¹⁰ Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

AMOS 8:10 Referans Kwoze

YEREMIA 6:26

Nakana Batara ri umma'Na, “Ammakeko pakeang karung nampa anggulung-gulungko ri aua. Susa tukamateang mako siagang angngarru' mako pacce nyawanu, rapang tau appiraunga angkarruki ana' sitau-tauna, nasaba' ti'ring labattumi tulammanrakia ambundukiko.”

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

YEHEZKIEL 7:18

Lammakei ke'nanga kaeng karung siagang lannekkereki sibatu kale. Lanigondoloki ulunna ke'nanga siagang lanipakasiriki ke'nanga.

YEREMIA 48:37

Le'ba' ngasemmi nacukkuru' uu'na siagang janggo'na ke'nanga, nabokkaki paling-palinna, siagang ammake kaeng karung, pammatei ri kasusaanna ke'nanga.

AYUB 20:23

Ri wattu sibu'na ambonei battanna, sanna'mi larroNa Allata'ala nampa nihukkung.

HOSEA 2:11

Sikontu passua'-suarranna laKupammari, baji' passua'-suarrang taung kammayatompa passua'-suarrang bulang-bulang siagang allo-allo Pammari-mariang; bodona kana, sikontu allo lompo agamana ke'nanga laKupammari.

NAHUM 1:10

Lanitunuko rapang rarame kalotoro' kontu rompo' akkatinting sikalasaka.

AMOS 8:3

Ri anjo alloa sikamma kelong-kelonga ri balla' karaenga la'jari karruki. Kemae-kemae attambung mayaka, le'baka nipela' cokko-cokko.”

AMOS 5:23

Sambei kelong-kelonnu anjo appakatongoloka; taeroKa' ampilangngeri karena kacapinnu.

AYUB 3:5

Kipa'jari anjo alloa le'leng pakka', sassang makkapu' siagang anremeng; Kikalimbuki siagang saliu' na rammang, Kitongkoki natanatabaya singara'na alloa.

PAOLE 16:14

A'rannu-rannu mako siagang ana'-ana'nu, ata-atannu, tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PA'JARIANG 21:16

nampa mange ammempo kira-kira nia' sibilangngang metere' bellana battu ri anjo tampaka. Nakanamo lalang ri pa'mai'na, “Tena nakuparrang anciniki anakku mate.” Nampa angngarru'mo Hagar.

KAIMANGNGANG 13:40

Punna nia' tu bura'ne appe'da' bageang ri boko ulunna yareka bageang ri dallekanna ulunna, tenaja nara'masa' anjo taua passabakkang anjo pe'da'na.

YESAYA 3:24

Kamma-kamma anne ammakei ke'nanga minynya'-minynya' bau', mingka sallang la'rasa bottoki ke'nanga. Passikko' aya' alusu'na ke'nanga lanisambei siagang otere' kasara'. Ulunna ke'nanga ga'gaya uu'na lanigondoloki. Pakeang ga'ga-ga'gana ke'nanga lanisambei siagang pakeang kekke'-kekke'. Kamma-kamma anne ga'gai ke'nanga; mingka sallang a'jari kodimi tanja'na lanri le'baki nisitempele'.

YEREMIA 2:19

Kaja'dallannu tonji anghukkungi kalennu, nisessako lanri nusorongbokoA', iNakke, Allata'alanu. Kamma-kamma anne kasia'mi pai'na siagang paccena punna nubokoiA' siagang tena nupakalompoA'. INakke, Karaeng Allata'alanu anne le'ba' a'bicara; iNakkemi Karaeng Allata'ala Kaminang Tinggia siagang Makoasaya.”

PIRAUNG 5:15

Tenami tallasa' mate'nea ri kambe; tappinrami joge'-jogeka a'jari kasusaang.

YEHEZKIEL 7:2

“He tau, iNakke, Batara Kaminang Tinggia, eroki Kupabattu anne mae ri butta Israel angkana: Iaminne kala'busanna riwaya'na sikontu anne pa'rasanganga!”

YO"EL 1:8

Angngarru' mako, he ummaka, rapang tulolo susaya nyawana angkarruki kamateanna bayuanna sannaka nangaina.

AMOS 5:21

Nakana Batara, “Kukabirisi siagang lanreA' anciniki passua'-suarranna agamanu!

AYUB 30:31

Riolo kulangngereki musi' rannua, anne kamma poro karru' na piraung mami.”

HOSEA 2:13

LaKuhukkungi lanri napakei allo-alloa untu' attunu dupa mae ri Rewata Baal, kammayatompa namodei kalenna siagang belo-belo untu' angngondangi sikamma tanring-tanrinna, nampa nakaluppai taba sikaliMa'. INakke, Batara, anne akkana.”