AMOS 8:1 - KITTA' MATANGKASA'

¹ Anggappa' pole se're paccini' battu ri Batara Kaminang Tinggia. Nia' kucini' se're karanjeng nibonei rappo-rappoang ti'no'.

AMOS 8:1 Referans Kwoze

AMOS 7:1

Anggappa' se're paccini' battu ri Batara Kaminang Tinggia. Kuciniki appare' sanna' jaina katimbang ri wattu le'ba'na taua ampangngalleangi ruku' karaenga, siagang appakkaramula attimbo poleang ruku' berua.

AMOS 7:7

Anggappa' pole se're paccini' maraeng battu ri Batara. Kuciniki ammenteng ri sa'rinna se'reang tembo' nibangunga siagang ammake otere' pa'ladung lambusu' battu irate naung. Nata'galaki ri limanNa anjo otere' ladunga untu' anciniki apaka anjo temboka ammenteng lambusuki yareka tena.

AMOS 7:4

Anggappa' se're paccini' pole battu ri Batara Kaminang Tinggia. Kuciniki sadia-sadia untu' anghukkungi umma'Na siagang pepe'. Anjo pepeka nalepaki tamparanga sa'genna la'busu' irawa ri buttaya siagang appakkaramulami napammutung kokoa.

YEREMIA 24:1

Ri se'reang wattu, ri le'ba'namo Yoyakhin ana' bura'nena Yoyakim karaeng Yehuda siagang sikamma tau anna'galaka pamarentahang ri Yehuda, sikamma pajamaya, sikamma panrea, niengka' ri Nebukadnezar karaeng Babel, nampa nierang salaku tunitahang battu ri Yerusalem mange ri Babel, Nasarema' paccini' Batara. Nia' kucini' rua baku' rassi siagang rappo ara ta'dongko' ri dallekang Balla'Na Batara.

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

AMOS 8:2

Akkuta'nangi Batara ri nakke angkana, “Apa nucini' Amos?” Appialima' angkana, “Se're karanjeng nibonei rappo-rappoang ti'no'.” Nakanamo Batara, “Narapi'mi wattunna mae ri ummakKu Israel, rapang rappo-rappoang ti'nokamo. Tenamo nalaKupinra pole rancanaKu siagang ma'nassa laKuhukkungi ke'nanga.