AMOS 7:7 - KITTA' MATANGKASA'

⁷ Anggappa' pole se're paccini' maraeng battu ri Batara. Kuciniki ammenteng ri sa'rinna se'reang tembo' nibangunga siagang ammake otere' pa'ladung lambusu' battu irate naung. Nata'galaki ri limanNa anjo otere' ladunga untu' anciniki apaka anjo temboka ammenteng lambusuki yareka tena.

AMOS 7:7 Referans Kwoze

2 KARAENG-KARAENG 21:13

LaKuhukkungi Yerusalem sangkamma batena Kuhukkung Samaria siagang Ahab karaeng Israel kammayatompa jari-jarina. LaKubarrasaki sa'genna tangkasa' sanrapang panne le'baka nibissai nampa nipatinompang.

PAPPICINI' 21:15

Anjo malaeka' a'bicaraya mae ri nakke nia' takkang bulaenna, untu' napake angngukkuruki anjo kotaya, sikamma pakke'bu' lompoa siagang tembo'na.

PAPPICINI' 11:1

Le'baki anjo nisarema' sipolong kayu sangkammaya takkang pangngukkuru', nampa nisuroa' angkana, “A'lampako angngukkuruki Balla'Na Allata'ala ri Yerusalem siagang tampa' pakkoro'bangnganga. Rekengi siapa jaina tau assambayang ilalang.

YEHEZKIEL 40:3

Naeranga' mange anjoreng, nampa nia' kucini' sitau bura'ne accilla' kamma tambaga ammenteng ri ampi'na pakke'bu' lompoa. Anna'galaki kucini' otere' pa'baku' battu ri kaeng lenang, siagang se're kayu pa'baku'.

PIRAUNG 2:8

Le'ba'mi Natappuki Batara angkanaya musti niruntungi tembo'-tembo'na Sion. Le'ba'mi Naukkuru' anjo tembo'-temboka, sollanna akkulle kabusu' Naruntung. Anne kamma sikontu tembo'-tembo'na siagang menarana a'jari loro kabusu'mi.

YESAYA 34:11

Kiti'balang siagang landa' lammantang anjoreng, kammayatompa kokocika siagang kalaa'. LaNapa'jari ricui siagang kosongi Batara anjo buttaya sangkamma tenanapa apa-apa nipa'jari.

YESAYA 28:17

Kaadelanga laKupa'jari pa'baku', siagang kalambusanga Kupa'jari pangngukkuru'.” Bosi batua lambarrasaki sa'genna tangkasa' sikamma balle-balle nupattoanga. A'baya langnganyukkangi tampa' paccokkoannu.

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

PA'JARIANG 28:13

Na ri sa'rinna ammentemmi Batara siagang Nakana, “INakkemi Batara, Allata'ala napakalompoa Abraham siagang Ishak. LaKupassareangi mae ri kau siagang mae ri turungannu anne butta nupanra'baia.

AMOS 7:6

Napinrami pole rancanaNa Batara siagang Nakana, “Anne pole tena todong nalakajariang.”

AMOS 7:8

Akkuta'nangi mae ri nakke angkana, “Apa nucini' Amos?” Appialima' angkana, “Otere' pa'ladung ammenteng lambusu', Batara.” Nampa Nakanamo Batara, “Kupakei anne pa'ladunga untu' ampappicinikangi angkanaya ummakKu rapangi tembo' tenaya nammenteng lambusu'. Tenamo nalaKupinra poleang rancanaKu, ma'nassa laKuhukkungi ke'nanga.