AMOS 7:3 - KITTA' MATANGKASA'

³ Napinrami rancanaNa Batara siagang Nakana, “Anjo apa nucinika tena nalakajariang.”

AMOS 7:3 Referans Kwoze

PAOLE 32:36

LaNapasalamaki Batara bansaNa na Nakamaseang sikamma atanNa, punna tenamo pakkullena nacini' ke'nanga, nala'busu'mo kitta' magassinna.

YUNUS 3:10

Nacini'mi Allata'ala panggaukanna ke'nanga; Naciniki angkanaya nabokoimi ke'nanga panggaukang ja'dala'na. Jari Napinrami kaputusanNa, siagang tanjariami Nahukkung ke'nanga.

HOSEA 11:8

Nakana Batara, “He Israel, tena olonu laKubalang parekang yareka Kubokoi. Maka akkulleko Kuputta sangkamma Adma? Yareka Kupakamma Zeboim? Tena naero' pa'maikKu anggaukangi anjo kammaya, lanri lompo duduna pangngaingKu mae ri kau!

AMOS 7:6

Napinrami pole rancanaNa Batara siagang Nakana, “Anne pole tena todong nalakajariang.”

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

PAMMUJI 106:45

Lanri ke'nanga nau'rangi parjanjianNa Nakarimangngi ke'nanga lanri pangngamaseang malompoNa.

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

YEREMIA 26:19

Mingka Karaeng Hizkia siagang tu Yehuda tena nabunoi Na'bi Mikha. Ba'lalo malla'mi Hizkia mae ri Batara siagang napala'mi sollanna nanikamaseang. Jari taNapa'jariami Batara anjo ero'Na untu' ampabattui cilakaia mae ri ke'nanga. Na kamma-kamma anne, sike'de' mamaki' anne appabattu cilaka lompo mae ri kalenta.”

1 PATTOTTORANG 21:15

Nampa nia'mo malaeka' Nasuro Batara angngancuruki Yerusalem. Mingka ri wattunna battumo anjo malaekaka ri ampi'na panggilingang gandunna Arauna tu Yebus, Napinrami Batara kaputusanNa untu' anghukkungi anjo bansaya. Nakanamo ri anjo malaekaka, “Angganna'mi! Sudamo!”

PA'JARIANG 6:7

sa'genna Nakana, “LaKuancuruki anjo rupatau le'baka Kupa'jari, kammayatompa sikamma jangang-jangang siagang olo'-olo' maraengannaya, lanri assesse' lalangKu ampa'jari ke'nanga.”

PAMMUJI 90:13

O, Batara, sa'genna siapa salloTa lalarro? Ammotere' lalo maKi' siagang Kikamaseangi ata-atanTa.

YEREMIA 42:10

‘Punna erokko tuli ammantang anrinni ri pa'rasanganga, laKuangkakko, tena nalaKutu'gurangko; laKupaentengko nai', tena nalaKura'bako. Sanna' si'nana nyawaKu lanri Kupabattuna balaya mae ri kau.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

AMOS 5:15

Kabirisi kaja'dallanga, siagang mangngaiko ri kabajikanga, paentengi kaadelanga. Gassingka laNakamaseangi Batara sikamma tau tassesaya battu ri bansa Israel.

KALAPPASSANG 32:14

Jari Napinrami Batara pattujunNa siagang ta'jariami Nagaukang anjo bala laNapabattua mae ri anjo bansaya.

PAMMUJI 78:38

Mingka Nakamaseangi siagang Napammopporangi Allata'ala umma'Na, siagang tena Napapossoki ke'nanga. A'mole-molei Natahang larroNa, natena Napa'betteseki pangngalarroiNa.