AMOS 6:4 - KITTA' MATANGKASA'

⁴ Cilaka ngasengko attinroa irate ri ranjang ga'ga-ga'gaya siagang angnganre lompoa dageng sapi siagang gimbala' rungka!

AMOS 6:4 Referans Kwoze

YAKOBUS 5:5

Alla'bi-la'bi mako ri katallassannu, siagang nukasia'mi kasannanganga ri anne linoa. Sanrapangko tau nupakaco'moka kalennu untu' lanisamballe sallang ri allo labattua.

AMOS 3:12

Rapang sitau pakalawaki anggappayai ammotere' bangkenna mami yareka sipolong mami tolinna gimbala'na le'baka nikanre ri singa, kamma tomminjo sike'de' dudu mami lammantang battu ri pandudu'na Samaria attinro baji'-bajika pakkasia'na ri katinroang ga'gana.”

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

YESAYA 22:13

Mingka kabalekanna, ikau assannang-sannang jako siagang assua'-suara' jako. Ammolongko sapi siagang gimbala', angnganre dageng siagang angnginung je'ne' anggoro' nampa akkio' angkana, “Umba ningnganre siagang angnginung, saba' ammuko lamate maki'!”

PAMMUJI 73:7

Tattumpai kaja'dallanga battu lalang ri atinna ke'nanga; sibuki ke'nanga a'rancana kaja'dallang.

ESTER 1:6

Anjo paranglakkenga nibelo-beloi siagang gordeng kaeng lenang gauka nipare' siagang kaeng lenang kebo'. Nampa nisikko' anjo kaeng gordenga siagang otere' kaeng lenang halusu'. Le'baki anjo nipasai'mi ri ponto-ponto niaka nipasang ri benteng-benteng tembo' accillaka. Irawanganna nia' niboli' siapa are koi bulaeng siagang koi pera', ia ta'dongkoka irate ri dapara' tembo' laccuka na kebo'. Anjo daparaka nibelo-beloi tanja'na. Na anjo belo-belona sanrapangi nicini' kaca eja a'lisereka, siagang kuli' mutiara accilla', kammayatompa paramata gau'.

YEREMIA 16:8

Teako antamakki ri balla'na tau assua'-suaraka. Teako angnganrei siagang angnginungi siagang ke'nanga.

YEHEZKIEL 16:49

Sodom siagang desa-desana tampoi lanri jaina parsadiaang kanre-kanreanna kammayatompa akkullei attallasa' siagang sannang na amang. Mingka tena naparhatikangi ke'nanga tau kasi-asia siagang tau tunaya.

YEHEZKIEL 23:41

Nampa ammempo ke'nanga irate ri katinroang ga'gaya. Ri dallekanna nia' mejang, rassi pappatala, kammayami dupa siagang minynya' zaitun Kupassareanga ri ke'nanga.

AMOS 8:3

Ri anjo alloa sikamma kelong-kelonga ri balla' karaenga la'jari karruki. Kemae-kemae attambung mayaka, le'baka nipela' cokko-cokko.”

MIKHA 6:12

Tu kalumanynyanga ri kotanu najallakkangi tu kasi-asia, siagang ikau paballe-balle ngasengko.

PA'JARIANG 37:25

Ri wattunna angnganre ke'nanga, ti'ring nia'mo nacini' ke'nanga siapa are jaina tu Ismael lalang pa'jappang battu ri Gilead mange ri Mesir. Sikamma untana ke'nanga angngerangi rampa-rampa siagang kismis.

YESAYA 28:1

Cilakai kota nakalompoang pa'maika sikamma painunna Israel! La'jari toami kaga'ganna, rapang bunga kalumeng niaka ri simbolenna ke'nanga. Cilakai kota tinggia nai' battu ri tangngana ka'bung copponga, nakalompoanga pa'mai' sikamma tau sitangnga matea nasa'ring.