AMOS 6:3 - KITTA' MATANGKASA'

³ Nupatterassangi angkanaya anjo allo angngeranga bala bella iji, mingka anjo sikamma panggaukannu poro pila' napa'jari linta'ji kabattuanna anjo allo kapallakkanga.

AMOS 6:3 Referans Kwoze

AMOS 9:10

Nakana sikamma tudorakaya ri alla'na ummakKu, ‘Tena nalaNabalang parekangki' Allata'ala nituju ri bala.’ Mingka, sikontutojenna lanibunoi ke'nanga lalang pa'bundukang.”

YESAYA 56:12

Sikamma painunga anjo nakana, ‘Umba kingnginung anggoro' sa'genna sukku' pakkasiatta. Ammukoa lala'bi bajikangngangi na anne alloa!’ ”

YEHEZKIEL 12:27

“He tau, napaui tu Israel angkanaya anjo paccini'nu siagang nubotoa sallo duduiji sallang nampa la'rupa.

2 PETRUS 3:4

nakana, “Sai nukana a'janji Batara labattu! Kemaemi kamma-kamma anne? Matemi boe-boeta, mingka yangasenna apa-apaya tuli kammana ri uru nipa'jarina linoa!”

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

MATIUS 24:48

Mingka punna kodi sipa' anjo palayanga, lanakanamo lalang ri nyawana,

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.

YEHEZKIEL 12:22

“He tau, angngapai tu Israel nangai kammai napau paruntu' kana kammaya anne: ‘Kasambeangi jammanga, mingka botoa tenanga'rupayai'’?

PAPPICINI' 18:17

Mingka sijangji bawang sallona, nalanynya' ngasemmo sikontu kakalumanynyanganna!” Sikamma juraganga, padongko' kappalaka, siagang ana'-ana' kappalaka, kammayatompa sikontu a'boya-boyaya ri tamparanga, ammenteng battu bella ngasemmi.

AMOS 6:12

Maka akkullei lari jaranga irate ri bulu' batua? Niakka tau le'ba' ampa'jekoi tamparanga siagang sapi? Mingka ikau ngaseng le'ba'mi nuputara' bale' kaadelanga a'jari racung ammunoa, siagang annabaya a'jari sala.

AMOS 5:18

Tojeng, cilaka ngaseng mako tau nakkuka ri AllonNa Batara! Apa matu-matunna anjo alloa mae ri kau? Anjo alloa poro allo sassanji bawang, teai allo singara' mae ri kau.

AMOS 5:12

Kuassengi antekamma lompona kaja'dallannu siagang antekamma jaina dosanu. Nujallakkangi tau bajika; annarimako doe' nipacoco' siagang nubalang parekangi tu kasi-asia nigau' taadele' ri pangadelanga.

YESAYA 47:7

Nukapangi angkanaya la'jari karaeng baineko satunggu-tungguna, na tanuassenga yareka tanupikkira kale'bakkanna.

KATO'BA 8:11

Angngapa nagampang kamma taua anggaukangi kaja'dallanga? Lanri tenana nalinta' nipitabai hukkungang.

PAMMUJI 94:20

Tena Kiagangngangi sikamma haking ja'dalaka, naKipake hukkunga appare' rancana ja'dala'.

PIRAUNG 4:5

Ia ke'nanga angkasiaki kanre-kanre nyamanga, siagang sannanga ri katallassanna, anne kamma akkadangkang mami a'boya kanre ri pattambunganna loroa, na mate cipuru' ri agang-aganga.

YEHEZKIEL 23:42

Battu pantarang nia'mo nilangngere' sa'ra suara' napakamma tau jaia assannang-sannang. Sikamma anjo taua niundangi battu ri parang kassika. Appantamaki ke'nanga ponto ri limanna anjo tau ruaya massari'battang, siagang napatabai songko' ga'ga ulunna ke'nanga.

MIKHA 6:12

Tu kalumanynyanga ri kotanu najallakkangi tu kasi-asia, siagang ikau paballe-balle ngasengko.

AMOS 3:9

Pa'la'bangi pabattu mae ri tau ammantanga ri balla' karaenga ri Mesir siagang Asdod angkana, “A'rappung ngasengko ri moncong-moncong tammulilina Samaria, siagang parhatikangi karicuang lompoa kammayatompa pammaccokang nigaukanga anjoreng.”