AMOS 5:20 - KITTA' MATANGKASA'

²⁰ AllonNa Batara memang angngerangi sassang, teai singara' – allo sassanga napakamma rammang.

AMOS 5:20 Referans Kwoze

YESAYA 13:10

Tunggala' bintoenga siagang pa'rappungang bintoenga lammari accaya; lasassangi mataalloa ri wattunna ammumba, siagang tenamo nalaccaya bulanga.

ZEFANYA 1:15

Anjo alloa iamintu allo pangngalarroi, kasukkarang siagang kasusaang, allo karuntungang siagang pangngancurang, allo sassang siagang anremeng, allo makkapu' siagang rassi saliu'.

YEHEZKIEL 34:12

sangkamma sitau pakalawaki amboyai siagang ampa'rappungi sikamma gimbala'na tassiaraka nampa naparakai ke'nanga. LaKuerangi ke'nanga ammotere' battu ri sikontu tampa'na tassiara' ri anjo allo sassanga siagang battuna balaya.

PAPPICINI' 16:10

Nampa natumpami bonena pammoneanna anjo malaeka' makalimaya mae ri empoang kala'biranna anjo olo'-oloka. Na'jari sassang ngasemmo sikontu pa'rasangang naparentaya anjo olo'-oloka, namassing nakokko'mo lilana rupataua napakamma pa'risi'.

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

MATIUS 22:13

Nakanamo anjo Karaenga mae ri pala'-palayanna, ‘Sikkoki bangkenna siagang limanna anne taua nampa nupela' assulukang ri pammantangang sassanga. Anjoremmi langngarru'-arru' siagang lanakasia' sessaya.’ ”

NAHUM 1:8

Kontui a'ba lompoa battu Naancuruki musu-musunNa. Ia barania angngewai Nalappassangi kamateang sa'genna ancuru'.

MATIUS 24:29

“Tena nasallo ri le'ba'na anjo wattu kasusaanga, la'jari sassammi alloa, na tenamo naccaya singara' bulanga. Latu'guru' ngasemmi bintoenga battu ri langika. Na sikamma makoasaya lalang lino, la'jari sanna'mi ricuna.

YESAYA 8:22

yareka naung, tena apa-apa lanacini' ke'nanga pantaranganna kasukkarrang siagang sassang kammayatompa bayang-bayang appakamallaka. Lanipelaki ke'nanga mae ri anjo tampa' sassanga.

OBAJA 1:15

“Tojeng, a'reppese'mi allongKu, iNakke, Batara untu' angngadeli bansa-bansaya. Apa nagaukanga tu Edom lanibalasaki mae ri kalenna. Lanakasia' tongi apa le'baka nagaukang.

YO"EL 2:2

Anjo alloa sassang makkapuki, rassi allung anremeng-remeng. Para battui tantara katimbanga rapang rammang takka'ranga irate ri moncong. Tena le'bakai battu kajariang kammaya, na tena todong nalakajariang ribokoangannaya.